Yobkwi 47 - NTSHOB NSI

Bin bu' mbu tun Tshùaben, Mfen ndùb

¹ Ntshagte yobkwi. Se bon Koré. Yobkwi.

² Benntùn, njoṅ zin fa bu'te mbu Nsi. Bin fà nze tsin tù ntùm tsiaṅte.

³ Nummbe Tshùaben z'a tà mfe tù là kuni neshu. A b'a mfen ndùb num njoṅ nsitsha' fa.

⁴ A be mfà benntùn be mba kuan nà, ma' ngôngô nsi tunku be.

⁵ A be ntsho' ze be ju ntsi' be, A b'a nkuni Yakob z'a be nkô i là.

⁶ Nsi tshwèt nko' netèt tshu'te netshùa ntsho. Tshùaben tshwèt nko' netèt nze nta ntsho.

⁷ Bin yob kwi mfà Nsi, bin yobe, bin yob kwi mfà mfen be, bin yobe.

⁸ Nummbe Nsi b'a mfen njoṅ nsitsha' fa. Bin yob mo' yobkwi!

⁹ Nsi tshwèt nsa' ngôngô. Diaṅ Nsi b'a ko'fen se se nelàne.

¹⁰ Kamkam ntùm ngô tse'te, ba tum tse'te boa ben Nsi Abraham. Nummbe njoṅ mba' fen nsitsha' fa b'a bu Nsi. Nsi b'a tà mfe tù num njoṅ tsemo' nsi fa.