Yobkwi 46 - NTSHOB NSI

Bin à Tshùaben bèn mbe

¹ Ntshagte yobkwi. Se bon Koré. Ntùm medub màndô. Yobkwi.

² Nsi b'a yag ndàlem mba yag dù' neyé'te bwe. A b'a ywimte z'a ke' be tag bag ngelaṅ nge' là.

³ Ndùlala bèn ngù kà bag ke be bwôg mba ngelaṅ njù kamte, ba mbat nke mvètte mà ntùm ba dibantse là.

⁴ Mba ngelaṅ fet dibantse tshwèt ntshu'u, nke nkag nswe mi, k'a nke nko' tà nèn nke ngù ba mbat nke mvètte là.

⁵ Nku ta'ntse be ngù ngô Nsi nke ntsiaṅte, dù' nelàne, dù'ntswe Nsi z'a tà mfe tù là.

⁶ Nsi b'a netèt ngô, a ke nsi bèn nyi'te. Nsi be njwimt'é fe mà nkebnjù.

⁷ Ngôngô kamte, nufen nke nyi'te. A ghù bo ju' nz'é, tsha' sate.

⁸ Bag à Tshùaben tàndà ntsho bèn mbe, Tshùaben Nsi Yakob b'a yag kua' mà ndàlem.

⁹ Bin se' njen mfa' Tshùaben, mfa' mi mi nekuni mi a kag bwôg num nsitsha' là.

¹⁰ A ghù ntsho tsin tà nèn nkum num ntôgnjù. A be' ngoṅkét, mbe' kô. A ton nkalig ntsho ntùm mbwôge.

¹¹ Bin tsine, ndèn ndù me b'a Nsi, me be ntô ngôngô, nke ntô njù.

¹² Bag à Tshùaben tàndà ntsho bèn mbe, Tshùaben Nsi Yakob b'a yag kua' mà ndàlem.