Yobkwi 43 - NTSHOB NSI

Tsho't'àm ntùm nenùn, ô Nsi

¹ O Nsi, ghù nunetsin me, tshètt'àm num nzwit ben tse kondèn ke bo là, tshu' àm mbu ghafùte mba ghafànnu.

² Wù Nsi àm ngakabt'àm, numk'o nke ma' àm njam à? Numke me nke nzin ntùm nenywine, bam ngùtni ngakeban à?

³ Tum nka' o mba nenùn o, bo ke ntshagt'àm, bo ke ntshagt'àm num mbal o ze nelàne, mba ntùm tsho dù'ntswe!

⁴ Ndù me zi nèn mbaṅ tômbwôg le'te Nsi, Nsi z'a be mfà tsiaṅte mba ṅwate là. O Nsi, me nsi ghamt'o num loṅe, mbelàbe.

⁵ Ntù àm, o bot numke, o ke mvètte ntùm bwe numke? Nywinte num Nsi, nummbe me nsi bèn nyàmt'é. A b'a ngayôg àm, mba Nsi àm!