Yobkwi 4 - NTSHOB NSI

Nsi kàn nesoṅ tatte

¹ Ntshagte yobkwi. Num ndoṅ nse'e. Yobkwi David.

² Me kua' ntsiaṅ o, o bùnte me, wù Nsi ze yàm nunetsin ke mfe à wù là. Ngelaṅ me be ntùm nge' là, o yôg àm, ko ndèn màm nju' le't'àm.

³ Bon benntùn, bin nsi tsin netshabte ghamt'àm à ndùke? Bin nsi faṅ nekô tshu banban mba nediag tatte Nsi à ndùke?

⁴ Bin lèn ndù Tshùaben tsho' ta' ngabam i. Tshùaben be nju' nz'àm ngelaṅ ze me kua' ntsiaṅ i là.

⁵ Bin vètte, ke bèn neghù nukebwô. Bin tshob nu yi ntù bin num nkunndà mine, mi ntswe.

⁶ Bin fà jule'te Nsi ze nenùne, mbèn mfà wut tsin Tshùaben.

⁷ Benntùn yàm be ntshob mbe: We z'a nsi ghù bag yen fu' à? Tshùaben! Ghù ndù nelàn se o ké' num bag.

⁸ Tsiaṅte z'o yab ntù àm nà yàm ntshùa z'a be mbe ntù bo ngelaṅ bo ghù ntsha' yàm mba ndu' yàm nà.

⁹ Me be nô tshàm nsi ntùm fite, nzi tshàm ndende, nummbe wù Tshùaben be ngù me tswe ndù kam.