Yobkwi 32 - NTSHOB NSI

Fu' b'a bin nelagte

¹ Yobkwi David. Yobkwi. Mènfen b'a mèn ze bo lagte mfànnu mi, ndagte nukebwô i là.

² Mènfen b'a mèn ze Tshùaben ke' be siaṅte mfànnu mi, ze sàm fùte ke' be ntùm ntù i là.

³ Me tswe be ke tshob nu, mba mvôg màm nsi ke kôgte. Me be nzi' njoṅ mbwôgtshù fa.

⁴ Nummbe bu o be ndét num àm tèttswe' mba mbwôgtshù. Yàm neta jum ndaṅndaṅ mba dù' be njum dum nà.

⁵ Me lo ghù o lèn nukebwô àm, me lo ke lem mfànnu màm. Me lo tshob ndù: Me nsi bam mfànnu màm Tshùaben! O lo bwete ngùtni nukebwô àm.

⁶ Ndùlala mba zit ngaghamt'o lo le't'o num ngelaṅ ntùn. A be ze ntse ndùbndùb dun nà, mb'a ke kum tse num i.

⁷ O b'a yàm ndàlem, o bam ndù o nsi tshètt'àm num nge'. O lo' njobkwi netshu' àm yi ndiaṅ àm yi mbume.

⁸ Tshùaben tshob ndù: Me nsi tswit'o, la't'o manze z'o nsi zin bwe là, Me nsi tagt'o, me nsi te miag màm num o.

⁹ Kà bin be mba nyàmdiaṅ ke mba kekwèn z'a ke' ghù zenu, nke nta tu là. Bo num ma' tùn ntshu bo mbèn ntaṅ yub nelo' mfènte ngù' yub yi, ndùlala k'o nku'ni nenèn mbaṅ bo.

¹⁰ Ya yàm num tshùagkèt mèn, là mèn z'a be njab ntù i num Tshùaben nà, kondèn Tshùaben lam i mbume.

¹¹ Ben netsin, bin tsiaṅte num Tshùaben, mbe ntùm ṅwate. Bin tse ntù tsin làn nà, bin fà nze zin tù ntùm tsiaṅte.