Yobkwi 3 - NTSHOB NSI

Ghankemban

¹ Yobkwi David ngelaṅ z'a ke nkù nshum i Absalom nà.

² O! Tshùaben, ghakeban tshàm yàm neshu, ben yàme lo nsi num àm.

³ Ben yàme be ntshob num àm ndù: Ywimte ke' bèn mbe yi mbaṅ Nsi.

⁴ Là, wù Tshùaben, o b'a yàm tshètntsho, mbe yàm ghamte; o be mbéb ntù àm.

⁵ Me be ntshag nz'àm tù, ntsiaṅ Tshùaben, a tsin num mbal i ze nelàne mbùnte.

⁶ Me be nô nsi nzi, mbèn mbam num miaglo, nummbe Tshùaben be ntomt'àm.

⁷ Me ke tshwèt mbwôg ben ntshu'ntshu' tse bo lam àm mbum nà.

⁸ Tshùaben! Lo nsi njôg àm, wù Nsi àm, nummb'o be ntam bu toṅ njoṅ ghakeban tshàm fa, o be mbe' nsô tshùagkèt benntùn.

⁹ Yôg b'a mbaṅ Tshùaben. A bwô ndù fit'o be num yu nzwit mèn.