Yobkwi 29 - NTSHOB NSI

Nze Tshùaben

¹ Yobkwi David. Bon Nsi, bin fà ghamte Tshùaben. Bin fà neta Tshùaben.

² Bin ghamte Tshùaben mfà ghamte num lén se. Bin vù nsi mbwe Tshùaben ngelaṅ z'a ṅwag ntùm nelàn i là.

³ Nze Tshùaben tum num ntse. Nze Nsi nkuni tshwèt nyi' dù'. Tshùaben b'a num ntse ndùbndùb.

⁴ Nze Tshùaben ta neshu, nze Tshùaben kuni neshu.

⁵ Nze Tshùaben be'te tù bù. Tshùaben be'te tù bù Liban.

⁶ A be ngù bo nke njwètte mba bon na' là, ngù Liban mba Sirion nke njwètte mba bon nyatnyàm nà.

⁷ Nze Tshùaben be ngù ba lambwôg nke ntume.

⁸ Nze Tshùaben be ngù kônkwa nke mvètte. Tshùaben be ngù kônkwa Kadèsh nke mvètte.

⁹ Nze Tshùaben be ngù nshutnyàm bwe. Nze Tshùaben be ntsho' ntù ntùm mfèn. Njoṅ i fa be nkua' ntùm ntshwèl i ntshob ndù: Nkuni!

¹⁰ Tshùaben lo be num ko'fen se ngelaṅ dibambaṅ. Tshùaben be ntswe num ko'fen se nsa' njù matmat.

¹¹ Tshùaben be mfà neta ben tse. Tshùaben be naṅ mbotni num ben tse, ngù bo tswe fite.