Yobkwi 26 - NTSHOB NSI

Kelèn tsiaṅ Nsi

¹ Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.

² Tshùaben, momt'àm, Tshùaben laṅt'àm. Momte zwe' àm mba ntù àm.

³ Nummbe kondèn o b'a mbwe àm, me nke nzin ntùm yu nenùne.

⁴ Me ke' be tiaṅ diaṅ bag à ghatatte, me ke' be tsho tshàm shun bag à ghamfùm.

⁵ Me be mban mbumte ghatshùagntù. Me ke' be tiaṅ diaṅ bag à ben kebwô.

⁶ Me be nsôg mbu màm nummbe me b'a mbu'u. O! Tshùaben, me be diaṅ tômbwôg nele't'o yi mbume.

⁷ Ndù me fà nz'àm tù num mfa' kondèn, mbèn nsoṅ njoṅ nkuni mu fa.

⁸ Tshùaben! Me be nkô ndà z'o be ntswe bwe, dù' ze nkuni mu be mbe là.

⁹ Kà lo' zwiag sàm boa se ben kebwô, ke lo' yôg sàm boa se ben tse bo be mfètte lem nà.

¹⁰ Tshen ben nà ghù mbu nezwi benntùn, nda' dun ntùm bu yub ze zwim.

¹¹ Tu wul àm, me ke nzin ntùm nzin mebwô. Tshu' àm, mbèn nko ndèn màm!

¹² Ku àm ta nsi num tsha' njum. Me be nyàmte Tshùaben ntùm mbumte.