Yobkwi 20 - NTSHOB NSI

Le'te Nsi num mfen

¹ Ntshagte yobkwi. Yobkwi David.

² A bwô ndù Tshùaben ju' le't'o mum lé'njù nge'. A bwô ndù lén Nsi Yakob kabt'o.

³ A bwô ndù a tum ywimte z'a tum dù' nelàn nà wù. A bwô ndù a tsin Sion ntomt'o.

⁴ A bwô ndù a kwimte tshule'te Nsi tsho, mbam tshule'te Nsi ts'o be nton yi là.

⁵ A bwô ndù a fà ju ze ntù o kô là wù, ngù ndù nkwatenu mu bumte.

⁶ A bwô bag tsiaṅte num yu netshùa ntsho, a bwô ndù bag bù' fenkaṅ nsi num lén Nsi yag. A bwô ndù Tshùaben bam njoṅ tshu fa ts'o lon nà.

⁷ Me lèn ndonni ndù Tshùaben yôg ze ngayo' mfèt. A bwô ndù a ju' le't'é mfe kamànyam, ntùm dù'ntswe i ze nelàne, ntshùa njam neta ywimte z'a fe bu i ze zwim nà.

⁸ Tshen ben ni ke njé't'a num nkalig mube, tshen nà nke njé'te num nyàmdiaṅ tshobe. Mba bag là, bag ke ntsiaṅ à lén Tshùaben Nsi yag.

⁹ Bo be ṅam wut tshob nsi, ngwù nsi, mba bag là, bag tsin tù neta, ngô be tù.

¹⁰ Tshùaben, yôg mfen, bam jule'te yag ngelaṅ bag tsiaṅ lén so là.