Yobkwi 149 - NTSHOB NSI

Nku'ni ghabam Nsi

¹ Aléluya! Bin yob kwi nswe Tshùaben, ghamt'é be ntùm ntse'te ben tse!

² A bwô ndù Israél ke ntsiaṅte num Mbom i, bon Sion ke ṅwate num mfen yub.

³ Bo lo' tshu nenyiaṅ ngamte lén se yi, bo lo' lammbé mba ndoṅ njob kwi yi yi.

⁴ Nummbe Tshùaben be ṅwate num ze nzwit mèn; a be nyàmte ghayennge' njôg yube.

⁵ A bwô ndù benntùn ṅwate ntùm ghamte. A bwô ndù bo tshag nze yub tù ntùm tsiaṅte num kunndà sobe.

⁶ Ndab Nsi be mbe ntshu bo, ṅwi z'a tshùag njam bàa là be bu bo,

⁷ num neyagte mba' mum ngôngô, mba nenaṅ ntsha tu ntumntum,

⁸ ndù a lo' nkù tùn nkut fenfen tshob yi, mba nema' kele' tùn tô kamkam tshobe.

⁹ Mba ndù a tsho'te ntsha yub ndaṅndaṅ mba bo kite là. Yen nà nsi b'a nku'ni num njoṅ tse benntùn fa. Aléluya!