Yobkwi 148 - NTSHOB NSI

Ghamte be Nsi mfe tù mba mànsi

¹ Aléluya! Bin ghamte Tshùaben fe mfe kamànyam, bin ghamt'é tà mfe tù.

² Bin ghamt'é, bin njoṅ Angél tse fa, bin ghamt'é, bin njoṅ tse ntshu ntsho fa.

³ Lagnyam mba maṅwù ghamt'é. Njoṅ nsa neké' fa ghamt'é.

⁴ Njoṅ tshub kamànyam fa ghamt'é, njoṅ ntse fa mi a mfe num kamànyam nà ghamt'é!

⁵ A bwô ndù bo ghamte lén Tshùaben, nummb'a lo tshobe, bo be,

⁶ a lo yab yub yoṅ ntshù', njoṅ ndù fa; a lo fà kàn se be bo ke fàn nà.

⁷ A bwô ndù njam ntùm tsha' ghamte Tshùaben, nyàm ts'a dibantse là mba ngem ghamte Tshùaben.

⁸ Mbwôg mba nywin mbaṅ, nywin mbaṅ mba ṅam neta, fetmbaṅ ts'a be mfa' mb'a tshob là, bin ghamte Tshùaben.

⁹ Ba mbat boa nkônga, ntù neyàm ntàm boa ntù bù,

¹⁰ nyàm tshwèt mba nyàm fa, nyàm tse bo be nsoṅ bam sob nsi mba nsaṅ mi bo ghù mbàb là,

¹¹ fenfen nsitsha' mba njoṅ benntùn fa; kamkam mba njoṅ ghatsho'te ntsha nsitsha' fa,

¹² nshumnshum mba ngonngon, ywèn benntùn mba bônke'!

¹³ A bwô ndù bo ghamte lén Tshùaben, nummbe nda' lén se bèn nèn tù. Nkuni mi nèn tù ntshùa tsha' mba kamànyam.

¹⁴ A lo la'te neta ze nzwit mén, tunu ghamte num njoṅ tse benntùn fa, num bon Israél mba ngô z'a mbaṅ i là. Aléluya!