Yobkwi 14 - NTSHOB NSI

Be boa Nsi yub mum njù va'

¹ Ntshagte yobkwi. Se David. Nkagni be ntshob ntùm ntù i ndù: Nsi ke bwe. Kagni bagte fa, bo ghù tshu ts'a bag neshu là; sàm ngaghù numebwô ke bwe.

² Tshùaben be ntswe tà mfe kamànyam, ndôte mèn nyiaṅtu, neyen a be ze mèn be bwe ndù a ghù zenu, nke ndiag Nsi là.

³ Njoṅ yub fa fàn manze, bo ke' bèn njwimte sàm ju. Ngaghù numebwô ke bwe, mba nda' ta' i ntshù'.

⁴ Ghatshùagntù ke' bèn ngù sàm nkwate ké? Bo be mi ben tshàm, ndaṅndaṅ mba bo be mi bàn nà. Bo ke' be tsiaṅ lén Tshùaben.

⁵ Bo nsi vètte ntùm bwôg, ngelaṅ Nsi nsi ṅwag netèt nzwit mèn netsin nà.

⁶ Bin ma' tuswe num ze nenywinte ngayennge'. Tshùaben b'a ze ndàlem.

⁷ O, we z'a nsi ghù ndù netshu' Israél tum mà Sion à? Ngelaṅ Tshùaben nsi lo' kuan ze nzwit mèn bèn yi njam nà, Yakob nsi ṅwate. Israél tsiaṅte.