Yobkwi 138 - NTSHOB NSI

Me nsi ghamt'o njoṅ ntù àm fa

¹ Yobkwi David. Tshùaben, me be ngamt'o njoṅ ngô ntù àm fa. Me nsi yob kwi fà wù mbwe Nsi.

² Me be nkwim ntunkekwi' màm nsi mbwe ndà o ze nelàne, me be ngamte lén so, num kondèn o mba num nenùn o, nummb'o lo ghù ntshob mu ju'ni, mbù't'é num njoṅ tshu fa.

³ O lo bùnte me, nkwi'te neta ntùm ntù àm lé'njù se me kua' wù là.

⁴ Tshùaben, fenfen nsitsha' nsi ghamt'o ngelaṅ bo ju' ntshob mi a tum ntshu o là;

⁵ bo nsi ghamte tse manze Tshùaben, nummbe nkuni Tshùaben b'a mi ndùb.

⁶ Tshùaben b'a tà mfe tù, a be njen ghafà wut nsi. A be ntsin ngùanesà ndèn ghako'tewut.

⁷ A be ze me zin mba ntùm nge' là, mb'o a' ghù me yôg, o be mbù' bu o ntshag num ghakeban tshàm, bu o ze zwim yôg àm.

⁸ Tshùaben, o nsi miagte ju z'o be ngù num àm nà, Tshùaben, kondèn o be ntswe matmat, kà ghua' mfa' mbu mu.