Yobkwi 137 - NTSHOB NSI

Nkaṅntse mà Babilon

¹ Num kaṅ nta'ntse mà Babilon, be lo tswe bwe, mbe kwimte Sion nke nkua'a.

² Be lo ghette ndoṅ be num ntù mi a be bwe là.

³ Ghatô be lo ke mbètte be njobkwi, ghaghùtni be nke mbètte yobkwi tsiaṅte bwe ntshob ndù: Bin yob ta' yobkwi Sion bag.

⁴ Be be yob ta' yobkwi Tshùaben num tsha' ba tum à ndùke?

⁵ Yérusalém, a be ze me lagt'o là, mb'a bwô ndù bu àm ze zwim lagt'àm.

⁶ A bwô ndù lém sàm lat bam ntag màm, a be ze me ke' kwimt'o là, a be ze Yérusalém ke' bèn mbe yàm mbwe nu tsiaṅte là.

⁷ Tshùaben kwimte bon ba Edom, tse bo na' mbe num se lé'njù Yérusalém nke ntshob ndù: Bin sate, bin tswe' dù' tà nkum tun tse.

⁸ Ngon Babilon ngasate dù', mènfen b'a z'a nsi ghù wù be ndaṅndaṅ, ba' nukebwô z'o ghù num bag là,

⁹ mènfen b'a mèn z'a ghom bon tsho ntshètte yub num gholoṅ nà.