Yobkwi 134 - NTSHOB NSI

Bin bônke' Tshùaben ghamt'é

¹ Yobkwi ko'ko'. Be nène! Bin ghamte Tshùaben, njoṅ zin fa tse bin be ghafa' Tshùaben nà, bin tse bin be ntsinte ntùm ndà Tshùaben, ntùm bam ntshundà ts'a be tse Ndà Nsi be là.

² Bin tshag mbu min nze dù' ze ndà Tshùaben ze nelàn be bwe là njoṅ tèttswe' fa, nke ngamte Tshùaben.

³ A bwô ndù Tshùaben tsin Sion njab kàn wù, yi z'a nabte kamànyam mba tsha' là.