Yobkwi 129 - NTSHOB NSI

Bo bàn àm ta', là

¹ Yobkwi ko'ko'. Bo be nkamt'àm fe mum lé'njù nshum tshàm. A bwô ndù Israél tshob ndùlala.

² Bo lo ke nkamt'àm fe mum lé'njù nshum tshàm, là bo lo ke tshùa àm.

³ Ghadù' tsha' dù' mvèn àm, njab nsànsà ngô nà bwe.

⁴ Tshùaben b'a mèn netsine, a kebte nkù ghatshùagntù.

⁵ A bwô ndù tuswe ko ben tse bo be mban Sion nà, bo bènte njamnjam.

⁶ A bwô ndù bo b'a mba nenà ts'a be num ntu mba', nke njum ke bo yoṅ ntsho' i là.

⁷ Ngatsho' tshu ke' be naṅ bu i a dun, mèn z'a be nkut tsha tse ntsha' ntsha' là ke' be yab num ndaṅ bu i.

⁸ Ghatshùanze ke' be tshob ndù: A bwô ndù Tshùaben yab kàn bin! Bag yab kàn bin num lén Tshùaben!