Yobkwi 128 - NTSHOB NSI

Fu' num ghabam Nsi

¹ Yobkwi ko'ko'. Ghafen b'a ben tse bo be mbwôg Tshùaben, nke nzin mum manze tse là.

² Fa' mbu mu nsi kém o, o b'a mènfen, o b'a ngafu'.

³ Nzwi o nsi be ntùm ndà o mba nkùa z'a be ntshùm nà; bon tsho diaṅ téblé so mbum mba ntù mbatsi là.

⁴ Tshù mba Nsi num naṅ mbotni num mèn z'a num mbwôg i là.

⁵ A bwô ndù Tshùaben tsin Sion njab kàn wù, a bwô ndù o yen fu' Yérusalém, njoṅ lé'njù yôg so fa!

⁶ A bwô ndù o yen mba bon bon tsho. A bwô ndù fite be num Israél.