Yobkwi 127 - NTSHOB NSI

Nsi be kut ba'

¹ Yobkwi ko'ko'. Se Salomon. A be ze Tshùaben ke' kut ba' là, mba ghabomndà ghùtni wut yub à banban; Tshùaben be ke béb ngô, mba ngabéb ngô zi tshùalo à banban.

² Bin ke ndo nsi mà nkebnjù à banban, bin ke mbe zi nsèn à banban, nke njù bàn zwe à banban; a be mfà bàn ben ts'a be nkô yub là ntùm miaglo be ndaṅndaṅ.

³ Bon b'a ntsi' mi Tshùaben be mfà là, tàm zwe' mèn b'a nda' ze Tshùaben be mfà là.

⁴ Ndaṅndaṅ mba nkét be mbe bu ngama' ntsho là, be ndaṅndaṅ b'a ndùlala bon tse bo be ntùm nshum nà.

⁵ Mènfen b'a mèn ze nkét dun ntùm ze mfe' nkét là, nummbe tuswe ke nsi ko i ndùs'a nsi tshobte boa ghakeban ntshu mbu' ngô là.