Yobkwi 126 - NTSHOB NSI

Ntsenyà tù' tsiaṅte

¹ Yobkwi ko'ko'. Ngelaṅ Tshùaben ke ndo' bon Sion tse bo be kuan mbèn yi Sion nà, bag tswe à mba ben tse bo tshwèt njen njem nà;

² yen ngelaṅ nà ntshu yag te nge, ndun zwi, lém sag nke ntsiaṅte. Ndùlala bo nke ntshob netèt ghakelèn Nsi ndù: Tshùaben ghù nu ndùbndùb num bo!

³ Ṅ, Tshùaben ghù nu ndùbndùb num bag, bag lo tswe ntùm tsiaṅte.

⁴ Tshùaben lo' kuan tshag mbèn yi njam, mba koṅ ntsitmbaṅ Négéb là!

⁵ Ben tse bo be njwit ju ntùm ntsenyà là, be ntsho' tshu ntùm tsiaṅte.

⁶ Bo be ndo' ntsenyà nèn yi, ndo' ntsenyà nèn yi ngelaṅ neywile; bo be mbe fe, nke nkob kwi, mbe fe ndo' tsha tshu mfe yi.