Yobkwi 124 - NTSHOB NSI

A be à bag à Nsi ke bèn mbe

¹ Yobkwi ko'ko'. Se David. A ke b'a Tshùaben mba we lo tshètte be à? A bwô ndù Israél tshob ndùlala.

² A ke b'a Tshùaben mba we lo tshètte be à! Ngelaṅ ze benntùn lo nsi num be,

³ nke ndiag nemi be ntùn ntùm tonkèt yantù num be là!

⁴ Mba ntse lo dut num be, mba koṅntse lo ya' num be,

⁵ mba ntse lo be ya' num ntù be nke nswe.

⁶ Ghamte be Tshùaben z'a be ke fà be bo, ndù bo ka'te be nsô mub là.

⁷ Yôg be lo tum mbu bo mba saṅ be nde' nkù ngabùn nsaṅ nà. Tshù, nkù lo ke be, be le'.

⁸ Ze be ywimte ke mfe à num lén Tshùaben z'a nabte kamànyam mba tsha' là.