Yobkwi 122 - NTSHOB NSI

A bwô fite be Yérusalém

¹ Yobkwi ko'ko'. Se David. Me num tsiaṅte ngelaṅ bo tshob me ndù: Be nèn mà ndà Tshùaben nà!

² Nku mag be ntsin nzendà tsho, me Yérusalém.

³ Bo kut Yérusalém, mba ta' ngô ze njoṅ i fa b'a ntshù' là,

⁴ tunndà nzenze ke nko' nèn à bwe, tunndà Tshùaben, neghamte Tshùaben, mb'a be mum ntshù' Israél là.

⁵ A b'a bwe là ze bo te ndiaṅ tsho'te ntsha, ndiaṅ tunndà David Là.

⁶ Bètte fite num Yérusalém. Kà ben tse bo be nkô o là tswe mbétni.

⁷ A bwô ndù fite be ntùm tsho ndà, mbétni be ntùm tsho ntshaṅ.

⁸ Num nkôni fèt tshàm, shun tshàm, bam ndù me tshob ndù: Fite be wù.

⁹ Num nkôni mum ndà Tshùaben Nsi be, me be nde'te Nsi num so fu'.