Yobkwi 121 - NTSHOB NSI

We z'a ku'ni neywimt'àm à?

¹ Yobkwi ko'ko'. Me be mbù' miag màm ndôte ba mbale, dù' ze ywimte nsi fe me bwe là b'a yà?

² Yàm ywimte ke mfe à Tshùaben; z'a nabte kamànyam mba tsha' là.

³ K'a bam ndù ku o tiage, kà ngabéb o me' miaglo.

⁴ Nga, ngabéb Israél ke' be zi, ke me' miaglo.

⁵ Tshùaben b'a ngabéb o, mbe ngakabt'o. Tshùaben b'a num bag bu o ze zwim.

⁶ Lagnyam ke nsi lab o mbwôgtshù, ke maṅwù num tèttswe' lo.

⁷ A bwô ndù Tshùaben lem o num njoṅ nukebwô fa, a lem ntù o,

⁸ A bwô ndù Tshùaben béb o ndù nenèn mba ndù nefe, ndonni mba njoṅ ndù fa.