Yobkwi 120 - NTSHOB NSI

Le'te Nsi mèn bo te nu tu i là

¹ Yobkwi ko'ko'. Me tshag nz'àm tù ntsiaṅ Tshùaben ntùm nge'. Me tsiaṅ, a bùnte me.

² Tshùaben, tshu' ntù àm num nkub ntshu tatte, mba lém fùte.

³ Tshùaben nsi lo' à ke junte nkàn mfe tatte yi lém fùt'à?

⁴ Bo nsi lo' nkét ngama' ntsho mi nekùa ke nge' mbwôg ts'a fe num mbwôg nko'nga lo tam zin yi.

⁵ Ke lèn nge' li num àm neke ntswe Méshék, neke ntswe bam ntàb Kedar à?

⁶ Me lo tswe netèt benntùn tse bo be mban fite là neshu.

⁷ Me be nkô fite, là, a num mbe ngelaṅ me tshob bo là, mb'a tù' à ntsho.