Yobkwi 112 - NTSHOB NSI

Fu' fite num ghabam Nsi

¹ Aléluya! Ghamte be Tshùaben. Mènfen b'a mèn z'a be mbwôg Tshùaben nà, ze ntshù' mi be mbwô i neshu là!

² Nzwil i nsi be ze neta ntùm ngô, bo nsi yab kàn zwiaṅ benntùn netsine.

³ Tshu mebwô mba fu' num ntùm ndà i, ze nunetsin be ntswe matmat.

⁴ Nka' nelàn be ntum ben netsin ntùm njame, num mèn z'a be ngakondèn, ngatshàmndèn mba mèn netsin nà.

⁵ Mènfen b'a ngakondèn, z'a be mfo, nke tsiagte tshu tse ntùm netsin nà,

⁶ nummb'a ke nsi vètte; nekwimte mèn netsin nsi be njoṅ ndù fa.

⁷ A ke' be bwôg tshô kebwô. A ghù tànntù ntù i, njab ntù i num Tshùaben.

⁸ A ghù tànntù ntù i, a ke' be bwôg tà nkum ndùs'a nsi tshùa ghamaṅt'é là.

⁹ A be nyit bu, a be mfà tshu ghayennge', ze nunetsin be ntswe matmat, neta i be nku' ntùm ghamte.

¹⁰ Tshùagkèt mèn be njen i nja ntù, mfèt nsô, nke ndiag nekwù; ju ze ghatshùagntù be nkô là ke mbi à nebi.