Yobkwi 111 - NTSHOB NSI

Nefà nku'ni mfa' Nsi mi mebwô

¹ Aléluya! Ghamte be Tshùaben. Me nsi nyàmte Tshùaben njoṅ ngô ntù àm fa ntùm mbumte benntùn mba ntùm ntse'te.

² Mfa' Tshùaben b'a mi ndùb num mèn z'a be nte lag num bwe, a bwô yub là.

³ Mfa' mbu Tshùaben b'a ghamte mba nekuni. Nunetsin i tswe matmat.

⁴ A faṅ nekwimte mum mfa' mi mi nekuni. Tshùaben b'a ngakondèn mba ngatshàmndèn.

⁵ A fà jujù ben tse bo be mbwôg i là, a be nkwimte kàn se njoṅ ndù fa.

⁶ A la'te neta ngù' mfa' mi ze nzwit mèn; mfà ntsi' ngôngô bo.

⁷ Mfa' mbu mi b'a nenùn mba netsine. Njoṅ nkàn mi fa b'a nenùne.

⁸ Ndù a féb nsi, ndù a lo fa' njoṅ i fa mum nenùn mba netsine.

⁹ A lo tum netshu' ze nzwit mèn; a lo kite kàn se matmat, lén se b'a se nelàne, se nekuni.

¹⁰ Nebwôg Tshùaben b'a neto'te zenu. Ben tse bo be ngù ndùlala là ghù nkwate nelàne. Ghamt'é be ntswe matmat.