Yobkwi 110 - NTSHOB NSI

Mfen boa ghatshob ntshob Nsi

¹ Yobkwi David. Tshù, Tshùaben Nsi tshob Tshùaben àm mfen ndù: Tswe num bag bu àm ze zwim, tà nkum ngelaṅ ze me nsi yab ghakeban tsho tun nku mu ndù bo be nko' nku mu là.

² Tshùaben nsi tsin Sion nyit kôg fen neta o: Tô netèt ghakeban tsho!

³ Ben neta num mbe njam o num sen lé'njù z'o tshwèt ntse'te yu ntshu ntsho là. Num mbat tsho tse nelàn, yu nguanmèn num nke se' tèl o ndaṅndaṅ mba meme' mfôgnjù là.

⁴ Tshùaben, saṅlaṅ num bwe, a ke nsi bate ju bwe a b'a ngale'te Nsi matmat, ntùm ntshufa' Mèlkisédék.

⁵ Tshùaben b'a num bag bu o ze zwim, a be mbe'te fenfen mum lé'njù yantù se,

⁶ a be ntsho'te ntsha ba tum: Fe ben dun bwe, ndùlala a be'te njoṅ tu nsitsha' fa!

⁷ A nsi nu ntse mum koṅntse ngelaṅ z'a tshùa nze là, a ndùlala, a nsi bù' tu i nsi.