Yobkwi 11 - NTSHOB NSI

Ngelaṅ nu tshùa mèn nà

¹ Ntshagte yobkwi. Se David. Yàm dù' lem b'a num Tshùaben. Be bin tshob me ndù me kù nèn num tsin mbat, mba saṅ n'a ndùke?

² Tshù, ghatshùagntù tshwèt nabte ngoṅkét yub, bo tshwèt nte két num nkù, ndù bo tam ben tse ntù tshob tsin nà yi ntùm njame.

³ A be tun tse kamte là, mba mèn netsin nsi ghù à ndùke?

⁴ Tshùaben b'a ntùm ndà i ze nelàne, ko'fen Tshùaben b'a mfe kamànyam. miag mi be ntsha' dù', miag mi nke ndaṅte bon mèn nyiaṅtu.

⁵ Tshùaben be ndaṅte mèn netsine. A be mban tshùagkèt mèn mba mèn ze nefétte lem be mbwô i là.

⁶ A be ngù nge' mbwôge, mba mbwôg njôg vù num tshùagkèt benntùn.

⁷ Nummbe Tshùaben b'a mèn netsine, a be nkô nunetsine; ben nelàn nsi lôte se i.