Yobkwi 100 - NTSHOB NSI

Bag b'a ben tse

¹ Yobkwi nyàmte. Bin tshag nze zin Tshùaben tù ntùm tsiaṅte, njoṅ zin fa tse bin be ntswe num nsitsha' là!

² Bin fa' Tshùaben mum tsiaṅte. Bin se' mbwe i à mum ṅwate.

³ Bin lèn ndù Tshùaben b'a Nsi. A b'a yi na' nabte be, be b'a ben tse. Be b'a ze nzwit mèn, bwoṅ nyàm ntùm se kin.

⁴ Bin lo' nyàmte ntsho yi ntùm nzendà tse, ndo' njobkwi ntsho yi ntùm bam ntshundà tse. Bin ghamt'é, bin ghamte lén se!

⁵ Nummbe Tshùaben b'a ngabwôntù, kondèn i be ntswe njoṅ ndù fa. Nenùn i nke ntswe ngu'ngu'.