Yérémia 45 - NTSHOB NSI

Yérémia tagte Baruk

¹ Ngatshob ntshob Nsi Yérémia lo tshob ntshob Baruk nshum Nérija. Baruk kite men ntshob li mi Yérémia ke ntshob yi là. A lo be be ndù Yoyakim nshum Yosias mfen Yuda tswe num fen ngu'njù kuà. A nke ntshob ndù:

² Tshù mba Tshùaben, Nsi Israél tshob num o li me Baruk.

³ O be ntshob ndù: Njennge' mba me là! Nummbe Tshùaben kwi'te zwentù num yàm nge'. Me be mbe zwiag yàm nke mfame, ke fon dù' nefite bwe.

⁴ Tshùaben tshob ndù: Tshob yi ndù me nsi sate ju ze me na' nkut là; tsho' ju ze me na' mbwe là, yen nà b'a ndù kua' yen ngô li.

⁵ Mba wù là, b'o bèn ndiag màmà tshu ké? A ke' bwô ndù o diage. Nummbe m'a' ghù nge' tsho num njoṅ benntùn fa; me nsi fà yôg so wù a be yu ntsha' ntsho njoṅ dù' fa ts'o nsi nèn bwe là. Tshùaben bèn ntshob ndùlala.