Yakobo 3 - NTSHOB NSI

Nukebwô lém

¹ Fèt tshàm, kà bin be ghatswite yàme, bin lèn ndù bo nsi tsho'te be num bwe ntshùate,

² nummbe njoṅ be fa num ntam tshu yàm nku; a be ze mèn ke' tam ntshob nku là, mb'a b'a mèn z'a bwô miagte là, mèn z'a ku'ni netshùb mba njoṅ wul i fa là.

³ A be ze be ma' tùn ntshu ba nyàmdiaṅ ndù bo ju'ni be là, mba be a' tshagte mba njoṅ wut yub fa.

⁴ Bin lôte ba kenu, bo ghu' be ndùke lo, mba metsit ju nsi tshagte yub num manze ze ngatshagte kô là.

⁵ Be ndaṅndaṅ, lém b'a metsit kam wut, a num nta' nsoṅ num tshu ndùbndùb. Tshù, metsit mbwôg kù fèn ndùb!

⁶ Mba lém b'a mbwôge, a b'a njù nukebwô, lém ghù ze dù' netèt nkam wut be, a num nsagte njoṅ nkam wut fa, nkù njoṅ yôg fa, ndù ndà mbwôg bèn nte mbwôg num i.

⁷ Njoṅ mat nyàm tshwèt, saṅe, nyàm nesoṅ mbam mub nsi, nyàm ntse fa, mat mènntùn lo kwiagt'é, nke nkwiagt'é,

⁸ là sàm mèn ke' ku'ni nekwiagte lém, a b'a nukebwô z'a num nkag tshu'tu là, a dun njoṅ z'a be nzwi mèn nà!

⁹ Be num ntshùa njam i, ngamte Tshùaben Tà be, mbèn ntshùa njam i, nso ndon tu benntùn tse bo be mfuni Nsi là.

¹⁰ Mbotni mba ndon be ntum num ta' ntshu ntshù'. Fèt tshàm, a ke' bwô a be ndùlala.

¹¹ Be ntse nedùmte mba mi nezwe tum ntùm tôntse ntshù' ké?

¹² Fèt tshàm, be tù tshom yam ngag ké? Be ten yam tshom ké? Be mba ntse ngwa ke fà ntse nefite.

Zenu ze nenùne

¹³ We z'a be nzenu mba ngazete netèt bin à? A bwô ndù a la'te mi mfa' ntùm fite zenu njam yôg mebwô.

¹⁴ Là, a be ze bin ghù ghe'te nezwe mba ntsha ntùm ntù tsin nà, kà bin ta' nsoṅe, ke tshob tatte num nunenùne.

¹⁵ Yen zenu li ke' fe à mfe tù, a b'a zenu nsitsha'a, zenu mèn nyiaṅtu, zenu ywètkebwô.

¹⁶ Nummbe dù' ze ghe'te mba ntsha be là, tshu'tu mba njoṅ mfa' kebwô fa num bwe.

¹⁷ Là zenu mfe tù bwôgmbwe ndàne, mbèn mbe nefite, mbwô ntù, nju' ntshu, ndun kondèn mba ntàm mebwô, ke be tôte, ke ghù nkùnkù.

¹⁸ Bo num njwit tàm nunetsin ntùm fite num ben tse bo num naṅ fite là.