ṄWA'NI YOB 4 - NTSHOB NSI

Ntshob Elifaz Yob

¹ Elifaz ze Téman tshob ndù:

² A be ze bag tshob nu là, mb'a nsi ghùtni o ké? Be we ne ntag ke tshob nu, ntswe ntshu mi' à?

³ Yen mb'o lo ke ntswite tsemo' ben. O lo so neta ntùm mbu mi a yub là.

⁴ Ntshob mu lo bù'te ben tse bo vù nsi là. O lo bù'te nkekwi' mi a ṅat là.

⁵ Ndonni z'a b'a yu tu wut là, o bot fa! Ndonni ze nu tsho à wù là, tu o tshu'u.

⁶ Yu nebwôg Nsi ke bèn mbe yu ntom ké? Yu nenywinte ke bèn mbe yu nenùn ké?

⁷ Diag ntùm yu zenu, a zit mbu' z'a to' bi ndù à? A tsit ben netsin tse bo to' biagte yub ndù à?

⁸ Mba me là, me yen, ben tse bo num njwit mfànnu, nke njwit nuketsin nà num nkàb ntàm mi.

⁹ Ywèt ntshu Nsi num mbiagte yube, fet yantù i num nkù yube.

¹⁰ Ntshu' ba ngwayit be ntsine. Nsô bon ngwayit num mbe'te.

¹¹ Ngwayit be mbi ndùse nyàm z'a ghom bwoṅ nà. A num mbe yen ngelaṅ nà bon nzwi ngwayit sate fa.

¹² Mo' ta' ntshob lo tam toṅ àm kekàn, toṅ àm na' nju' nz'é à nefùage.

¹³ A na' mb'a num ngelaṅ ze ba njem be nzwiaṅte nkwate là, num ngelaṅ ze benntùn num nko miaglo là.

¹⁴ Bwôg lo ghom àm, wul àm fét, njoṅ nyiaṅtu tshàm fa kamte.

¹⁵ Mo' se mèn se' num miag màm, me ke lèn i.

¹⁶ Me ju' nze mo' mèn, nze là nke ntshobt'àm mén nda'nda', nke mbètte ndù:

¹⁷ Mèn ghù nebe kua' mèn netsin mbwe Nsi à? A ghù nebe kua' nelàn mbwe mèn z'a nabt'é là ké?

¹⁸ Mba Nsi ke' bèn neyab ntù mba num ghafa' tse, mb'a yen mfànnu mba netèt kua' ba Angél tse là,

¹⁹ A nsi tù' b'a ndùke num ben tse bo num ntswe ntùm wut ben tse Nsi lo' à tsha' nabte yi l'à? Be tum à ntùm mbabe, ndù bo ghù negho' be nku mba ta' ndô mbé' là.

²⁰ Bo num mbe'te be nelo nkebnjù nkum mfetnjù. Be num mbit'a yoṅ ntshù'; sàm mèn ke' be te lag num be.

²¹ Nkù yôg be kebe, be num nkwù, nkwù à ke ghù zenu.