Neto'te 5 - NTSHOB NSI

Ndèn ba tànjam Adam nèn nkum num tse Noa

¹ Tshù ṅwa'ni tunndà Adam ni: A lo be lé'njù se Nsi nabte Adam nà, a nabt'é num mfuni Nsi.

² A nabte yube, mandum bo mènnzwi; Nsi yab kàn bo, ntswi lén sob mènntùn mum lé'njù s'a nabte yub là.

³ Ngelaṅ Adam kum ngu'njù bon tat nkù là, a bwe mén mandum num mfuni mi, z'a fut'é là, ntswi lén se ndù Set.

⁴ Adam bwe Set, mbèn ntswe ngu'njù nkù fome, mbwe bon bandum boa tse bènnzwi.

⁵ Adam lo tswe ngu'njù bon tat nkù bwe'e, nkwù.

⁶ Ngelaṅ Set kum ngu'njù bon tàn nkù là, a bwe Enosh.

⁷ Set bwe Enosh, mbèn ntswe ngu'njù nkù fom ngù ngu'njù sammbàa, mbwe bon bandum boa tse bènnzwi.

⁸ Set lo tswe ngu'njù ntshob bàa mén bùm nkù bwe'e, nkwù.

⁹ Ngelaṅ Enosh kum ngu'njù nkù bwe'e là, a bwe Kénan.

¹⁰ Enosh bwe Kénan, mbèn ntswe ngu'njù ntshob tàn mén bùm nkù fome, mbwe bon bandum boa tse bènnzwi.

¹¹ Enosh lo tswe ngu'njù ṅam bwe'e ngù ngu'njù tàn, nkwù.

¹² Ngelaṅ Kénan kum ngu'njù ṅam sammbàa là, a bwe Mahalalel.

¹³ Kénan bwe Mahalalel, mbèn ntswe ngu'njù bon kuà nkù fome, mbwe bon bandum boa tse bènnzwi

¹⁴ Kénan lo ntswe ngu'njù mén bùm nkù bwe'e, nkwù.

¹⁵ Ngelaṅ Mahalalel kum ngu'njù ntshob tàn ṅam ntôg là, a bwe Yérèd.

¹⁶ Mahalalel bwe Yérèd, mbèn ntswe ngu'njù bon tat nkù fome, mbwe bon bandum boa tse bènnzwi.

¹⁷ Mahalalel lo tswe ngu'njù ntshob tàn bon bwe'e nkù fome, nkwù.

¹⁸ Ngelaṅ Yérèd kum ngu'njù ntshob bàa bon ntôg nkù là, a bwe Hénok.

¹⁹ Yérèd bwe Hénok, mbèn ntswe ngu'njù nkù fome, mbwe bon bandum boa tse bènnzwi.

²⁰ Yérèd lo tswe ngu'njù ntshob bàa bon ntôg nkù bwe'e, nkwù.

²¹ Ngelaṅ Hénok kum ngu'njù ntshob tàn ṅam ntôg là, a bwe Metusalem.

²² Hénok nke nzin bo Nsi. A bwe Metusalem, mbèn ntswe ngu'njù nkù tat, mbwe bon bandum boa tse bènnzwi.

²³ Hénok lo tswe ngu'njù ntshob tàn bon ntôg nkù tat.

²⁴ Hénok lo ke nzin bo Nsi, ke bèn nebe, nummbe Nsi lo lo' i nèn yi.

²⁵ Ngelaṅ Metusalem kum ngu'njù ntshob sammbàa bon fom nkù là, a bwe Lemek.

²⁶ Metusalem bwe Lemek, mbèn ntswe ngu'njù ntshob bàa bon fom nkù sammbàa, mbwe bon bandum boa tse bènnzwi.

²⁷ Metusalem lo tswe ngu'njù ntshob bwe'e bon ntôg nkù bwe'e, nkwù.

²⁸ Ngelaṅ Lemek kum ngu'njù ntshob bàa bon fom nkù là, a bwe ta' mén mandum.

²⁹ A tswi lén se ndù Noa, nummb'a lo tshob ndù: Yen mén ni nsi tswe'te ntù be num mfa' boa ngùtni tse be be ntùm bwe fe lé'njù se Nsi naṅ ndon num nsitsha' là.

³⁰ Lemek bwe Noa, mbèn ntswe ngu'njù ntshob tàn mén bùm nkù tàn. A bwe bon bandum boa tse bènnzwi.

³¹ Njoṅ lé'njù yôg Lemek fa tamte mb'a ngu'njù ntshob sammbàa bon sammbàa nkù sammbàa, k'a nkwù.

³² Noa lo tswe ngu'njù nkù tàn, mbwe Sém, Kam bo Yafét.