Neto'te 48 - NTSHOB NSI

Mba Yakob naṅ mbotni num bon Yosèf là

¹ Tshen nu là lo be tôge, mèn tshob Yosèf ndù: Tshù tàan nà z'a tshwèt ngon nà! Ndùlal'a lo' nshumnshum tse bàa, Manasé bo Efraim nèn bo à bo mbwe tàab Yakob.

² Mèn tshob Yakob ndù: Tshù nshum o Yosèf li z'a se' mbaṅ o là. Israél kùmte wul i, ndo ntswe netswe num kunndà.

³ Ndùlala Yakob tshob Yosèf ndù: Nsi Nganeta lo ṅwag me Luz ngô Kanaan, njab kàn me.

⁴ Ntshob me ndù: Tshù, me nsi ghù o bwe, nzwil o yàme; me nsi lo' o ghù bwoṅ ngô yi, fà yen ngô li nzwil o, a be yub ju ntsi'i.

⁵ Fe ndonni bon tsho tse bandum bàa, ts'o bwe yub ngô Egipto kà me nse' mbaṅ o Egipto là b'a tshàm. Efraim bo Manasé b'a tshàm bon ndaṅndaṅ mba Rubèn bo Siméon nà.

⁶ Là bon ts'o bwe yub njam tshen ni là b'a tsho. Bo nsi tshùa njam lén fèt tshob tsiaṅ yub num ntsi'i.

⁷ Me lo be fe Padan, Rashél kwù mum mbu màm num manze, ntùm ngô Kanaan, a nke ntù' metsili me kum Efrata; me lo tshoṅ i bwe num manze Efrata, z'a be Bétléhém sènni là.

⁸ Israél lôte nshumnshum Yosèf bàa, ntshob ndù: A b'a we li à?

⁹ Yosèf bùnte tàab ndù: A nshumnshum tshàm tse Nsi fà me nsen ni là. Yakob tshob ndù: Me le't'o ndù o lo' yub nse' yi nsen ni, ndù me yab kàn bo.

¹⁰ A lo be ndù ywèn à sènte miag mi k'a ke bèn neyene. Yosèf ghù bon tse kù'te nèn mbaṅ tàab, a tate yube, ntsiag yube.

¹¹ Israél tshob Yosèf ndù: Me lo ke bèn ndèn ndù me ghù nebèn njen o, là Nsi ghù me yen mba nzwil o.

¹² Ndùlala Yosèf sô yub neta' tàab nkwim ntunkekwi' mi nsi, nkab se i num tsha'a.

¹³ Yosèf tshùb yub ntu tshob bàa, nte Efraim num bu i ze zwim, yen nà b'a ndù num bu Israél ze kwéb, nte Manasé num bu i ze kwéb, yen nà b'a ndù num bu Israél ze zwim, ngù bo kù'te nèn mbaṅ i.

¹⁴ Là Israél nyit mbu mi, mfa, njab bu i ze zwim num tu Efraim z'a b'a ntù'njam nà, njab bu i ze kwéb num tu Manasé z'a b'a ntshùambwe là.

¹⁵ A yab kàn bo ntshob ndù: A bwô ndù Nsi ze tà tshàm Abraham bo Isak ke nzin mbwe i là yab kàn tshen bonnshum ni. A bwô ndù Nsi z'a be Ngabéb àm fe lé'njù se me be tà nse' nkum sènni là yab kàn bo.

¹⁶ A bwô ndù Angél z'a na' nsô àm mum nge' là yab kàn tshen bonnshum ni. A bwô ndù lén sàm, se tà tshàm Abraham bo Isak tshùa njam bo nju'ni. A bwô ndù bo bwe, njàm ntùm ngô!

¹⁷ Ndùse Yosèf yen ndù tàab yab bu i ze zwim à num tu Efraim nà, nu tse ke bwô i; ndùlala, a tshùb bu tàab, ndé' i num tu Efraim neyab num tu Manasé.

¹⁸ Yosèf tshob tàab ndù: A ke b'a ndùlala me tàa, yen mén ni bèn mbe ntshùambwe. Yab bu o ze zwim a num tu i.

¹⁹ Là tàab gha, ntshob ndù: Nshum àm, me lène, faṅ nà, me lène. Mba yi ze nsi tù' ta' nzwit, tu wul i ze nsi ku'u; mba ndùlala ntù'njam i nsi be mèn ndùb tshùa i, nzwil i nsi b'a ngôngô yàme.

²⁰ A yab kàn bo sen lé'njù là ntshob ndù: Israél nsi tshùa njam o kà yab kàn tshob ndù: Nsi ghù wù mba Efraim, mba Manasé là. Là, a bwôgmbwe njab kàn Efraim kà njab Manasé.

²¹ Israél be miagte mbèn ntshob Yosèf ndù: Tshù, m'a' kwù. Bin à Nsi nsi tù' bèn mbe, a bèn ndo' zin mbèn yi ngô tà tsine.

²² Me fà Sikém wù, ke ba fèt tsho. Me na' ndo' à ṅwi àm bo ngoṅkét sàm nkwé yi bu ba Amor.