Nesiaṅe 7 - NTSHOB NSI

Bo fà tshu neket tshu yi ndà Nsi

¹ Ngelaṅ ze Mosé na' miagte nete ndà Tshùaben tù là, a yo' i mfèt, ndànt'é boa njoṅ tshundà mba tômbwôg neton tshu le'te bwe, boa tse tshu, a yo' i mbèn ndànt'é.

² Mba zit mèn no num ghatô tunndà lo' tse tshu bwôntù. A b'a ghatô tunndà tse bo na' nke ntshagte nesiaṅ benntùn nà.

³ Bo lo' tshob tshu bwôntù nse' yi mbwe Tshùaben. A na' mb'a nkalig ntôge ndù bo kabte num tse nyàmna' ntshob bàa gham, ta' kalig num ghatô tunndà bàa, ta' nyàmna' num ta' mèn. Bo tènte nte mbwe ndà Nsi.

⁴ Tshùaben tshob Mosé ndù:

⁵ Kwé tshen tshu tse bo se' mfà wù là bo nsi lo' tshen nà ke fa' yi num ndà mbumte. O nsi fà tshen tshu là bon Lévi, mfà mba we lo be mba ze ntshu fa' tshwèt nke ndiag là.

⁶ Mosé kwé nkalig mba nyàmna' mfà ntô Lévi.

⁷ A fà nkalig mbàa ngù nyàmna' kuà nshumnshum Gerson, be mba yub ntshu fa' ke ndiag là.

⁸ Mfà tsemo' nkalig nkuà bo nyàmna' fome Itamar, nshum Aron ndù a fà nshumnshum Méhari, mba yub ntshu fa' nke ndiag là.

⁹ A ke fà sàm ju nshumnshum Kéhat nummbe sub fa' na' mb'a neket tshu tse bo lànte là nkembe' bo.

Bo fà nda' num jùa ndà Nsi

¹⁰ Ghatô tunndà lo' tshu mfà num neyo' tômbwôge, nse' yi num lé'njù ze bo nke njo' tômbwôg là. Ghatô tunndà lo' tshob tshu nefa' nse' yi mbwe tômbwôge.

¹¹ Tshùaben tshob Mosé ndù: A bwô ndù ghatô tunndà ke nse' be ntshù' ntshù', ta' mèn num ta' lé'njù num nejag tômbwôge.

¹² A na' mb'a Nason, nshum Aminadab, num tunndà Yuda, na' mbèn nto' nelo' tse tshu nse' yi num mbwe lé'njù.

¹³ Ze ju nefà na' mb'a: Ta' ka silba, nket ndô nkàb 130, nka nesôg ju, be ta' ka silba, nke ndo' ze ndô nkàb 70. Ndô nkab dù'nsi ndù bo tébte mbab bàn mfèt, naṅ labinda ntùm bwe k'a dun.

¹⁴ Ta' ntu' gol z'a ket ndô nkàb 10, ndù labinda dun ntùm bwe.

¹⁵ Ta' ndu mfô, ta' kekomnjù, ta' mèn njùmbwe z'a tswe tamngu' là, nton a kù kà bo nde'te Nsi yi.

¹⁶ Ta' fot mbwe num nelagte nukebwô.

¹⁷ Num nele'te ndù fite be, bo ghù nyàmna' bàa, nkekomnjù tàn, fot mbwe tàn ngù bon njùmbwe tamngu' tàn. Tshù ju ze Nason nshum Aminadab na' mfà là.

¹⁸ Num lé'njù bàa, Nétanél, nshum Suar ngatô tunndà Isakar se' ze ju.

¹⁹ A na' mb'a ta' ka silba nket ndô nkàb 130, ta' ka silba num nesôg ju yi, a nke nket ze ndô nkàb 70 num ndô nkàb dù'nsi, ndù bo lo' mfèt ntshwibte mbab bàn, naṅ bwe, bàa fa a dun, num nefà ju ghamte yi.

²⁰ Ta' ntu' gol nke nket ndô nkàb 10 ndù labinda dun bwe.

²¹ Ta' ndu mfô, ta' kekomnjù, ngù mén njùmbwe tamngu' num neton a kù kà bo nde'te Nsi yi.

²² Ta' fot mbwe num nelagte nukebwô.

²³ Num nele'te ndù fite be, bo ghù nyàmna' bàa, nkekomnjù tàn, fot mbwe tàn, ngù bon njùmbwe tamngu' tàn. Tshù ju nefà ze Nétanél, nshum Suar na' mfà là.

²⁴ Num lé'njù tat, a b'a ngatô tunndà Zabulon, Ehaf, nshum Hélon.

²⁵ Ze ju nefà na' mb'a, ta' ka silba, a nke nket ndô nkàb 130, ta' ka silba num nesôg ju yi, a nke nket ndô nkàb 70, ndù bo tshwibt'é mbab bàn mfèt naṅ bwe bàa fa kà dun, num nefà ju ghamte yi Nsi.

²⁶ Ta' ntu' gol nke nket nkab 10, ndù labinda dun bwe.

²⁷ Ta' ndu mfô, ta' kekomnjù, ta' mén njùmbwe tamngu' num neton a kù kà bo ngamte Nsi yi.

²⁸ Ngù ta' fot mbwe num nelagte nukebwô.

²⁹ Num nele'te ndù fite be: Nyàmna' bàa, nkekomnjù ntàn, fot mbwe tàn, bon njùmbwe tamngu' tàn. Tshù ju ze Eliaf, nshum Hélon na' mfà là.

³⁰ Num lé'njù kuà, a b'a ngatô tunndà nshumnshum Rubèn: Elisur, nshum Shedéur.

³¹ Ze ju neghù na' mb'a ta' ka silba, a nke nket ndô nkàb 130, ta' ka silba num nesôg ju te mbab bàn naṅ bwe kà dun mbàa fa.

³² Ta' ntu' gol, nke nket ndô nkàb 10, ndù labinda dun bwe.

³³ Ta' ndu mfô, ta' kekomnjù, ta' mén njùmbwe tamngu', num neton a kù kà bo nde'te Nsi yi.

³⁴ Ta' fot mbwe nelagte nukebwô.

³⁵ Num nele'te ndù fite be: Nyàmna' bàa, nkekomnjù tàn, fot mbwe tàn, bon njùmbwe tamngu' tàn. Tshù ju ze Elisur, nshum Shedéur na' mfà là.

³⁶ Num lé'njù tàn, a b'a ngatô tunndà Siméon, Shédunél, nshum Surisadai.

³⁷ Ze ju nefà na' mb'a: Ta' ka silba, a nke nket ndô nkàb 130, ta' ka silba num nesôg ju, num ndô nkàb dù'nsi, ndù bo tshwibte mbab bàn mfèt naṅ bwe mbàa fa kà dun.

³⁸ Ta' ntu' gol, a nke nket nkab 10 ndù labinda dun bwe.

³⁹ Ta' ndu mfô, ta' kekomnjù, ta' mén njùmbwe tamngu', num neton a kù kà bo nde'te Nsi yi.

⁴⁰ Ta' fot mbwe num nelagte nukebwô.

⁴¹ Nele'te ndù fite be. Nyàmna' bàa, nkekomnjù tàn, fot mbwe tàn, bon njùmbwe tamngu' tàn. Tshù ju ze Shédunél nshum Suri na' mfà là.

⁴² Num lé'njù ntôge, a b'a ngatô tunndà Gad, Eliasaf nshum Deul,

⁴³ ze ju nefà, ta' ka silba, a nke nket ndô nkàb 130, ta' ka silba num nesôg ju, a nke nket ndô nkàb 70, num ndô nkàb dù'nsi, ndù bo tshwibte mbab bàn mfèt, naṅ bwe mbàa fa k'a dun.

⁴⁴ Ta' ntu' gol, a nke nket ndô nkàb ndù labinda dun bwe.

⁴⁵ Ta' ndu mfô, ta' kekomnjù, ta' mén njùmbwe tamngu', neton a kù kà bo nde'te Nsi yi.

⁴⁶ Ta' fot mbwe num nelagte nukebwô.

⁴⁷ Num nele'te ndù fite be, nyàmna' bàa, kekomnjù tàn, fot mbwe tàn, bon njùmbwe tamngu' tàn, tshen ni b'a tshu tse Eliasaf nshum Deul na' mfà là.

⁴⁸ Num lé'njù sammbàa, a b'a ngatô tunndà Benjamin, Elishama nshum Amihud.

⁴⁹ Ze ju nefà na' mb'a: Ta' ka silba, nke nket ndô nkàb 130, ta' ka silba num nesôg ju, a nke nket ndô nkàb 70, num nkàb dù'nsi, ndù bo tshwibte mbab bàn mfèt naṅ bwe fa a dun, num nele'te Nsi yi.

⁵⁰ Ta' ntu' gol, nke nket ndô nkàb 10, ndù labinda dun bwe.

⁵¹ Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi,

⁵² ta' fot mbwe num nelagte nukebwô.

⁵³ Num nele'te ndù fite be: Nyàmna' bàa, kekomnjù tàn, fot mbwe tàn, ngù bon njùmbwe tamngu' tàn. Tshù ju nefà tse Elishama, nshum Amihud na' mfà là.

⁵⁴ Num lé'njù fome, a b'a ngatô tunndà Manasé, Gamliél, nshum Pédatsur.

⁵⁵ Ze ju nefà na' mb'a: Ta' ka silba, nke nket ndô nkàb 130, ta' ka silba num nesôg ju, a nke nket ndô nkàb 70, num nkàb dù'nsi, ndù bo tshwibte mbab bàn mfèt naṅ bwe mbàa fa kà dun, num neghamte Nsi yi.

⁵⁶ Ta' ntu' gol, nke nket ndô nkàb 10, ndù labinda dun bwe.

⁵⁷ Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi.

⁵⁸ Ta' fot mbwe num nelagte nukebwô.

⁵⁹ Num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn, tshù ju nefà ze Gamliél nshum Pédatsur na' mfà là.

⁶⁰ Num lé'njù bwe'e, a b'a ngatô tunndà Benjamin, Avidan, nshum Guédoni.

⁶¹ Ze ju nefà b'a ta' ka silba, nke nket ndô nkàb 130, ta' ka silba num nesôg ju, nke nket silba 70, num ndô nkàb dù'nsi, ndù bo tshwibte mbab bàn mfèt naṅ bwe mbàa fa kà dun.

⁶² Ta' ntu' gol, nke nket ndô nkàb 10, ndù labinda dun bwe.

⁶³ Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi.

⁶⁴ Ta' fot mbwe num nelagte nukebwô.

⁶⁵ Num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn. Tshù ju ze Avidan, nshum Guédoni na' mfà là.

⁶⁶ Num lé'njù gham, a b'a ngatô tunndà Dan, Ahizar, nshum Amishadaï.

⁶⁷ Ze ju nefà na' mb'a: Ta' ka silba nke nket ndô nkàb 130, ta' ka ndô nkàb num nesôg ju nke nket ndô nkàb 70, num nkab dù'nsi, ndù bo tshwibte mbab bàn mfèt naṅ bwe mbàa fa a dun num neghamte Nsi yi.

⁶⁸ Ta' ntu' gol, nke nket ndô nkàb 10, ndù labinda dun bwe.

⁶⁹ Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi,

⁷⁰ ta' fot mbwe num nelagte nukebwô,

⁷¹ num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn, tshù ju ze Ahizar, nshum Amishadaï na' mfà là.

⁷² Num lé'njù ntshob ntshù' gham a b'a ngatô tunndà Aser, Pagiel, nshum Okran.

⁷³ Ze ju nefà na' mb'a ta' ka silba, nke nket ndô nkàb 130, ta' ka silba num nesôg ju, nke nket ndô nkàb 70, num ndô nkàb dù'nsi, ndù bo tshwibte mbab bàn mfèt naṅ bwe mbàa fa a dun.

⁷⁴ Ta' ntu' gol, nke nket ndô nkàb 10, ndù labinda dun bwe.

⁷⁵ Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi.

⁷⁶ Ta' fot mbwe num nelagte nukebwô.

⁷⁷ Num nele'te Nsi ndù fite be: Nyàmna' bàa, kekomnjù tàn, bon njùmbwe tamngu' tàn. Tshù ju ze Pagiel, nshum Okran na' mfà là.

⁷⁸ Num lé'njù ntshob bà gham, a b'a ngatô tunndà Néftali, Ahira nshum Einam.

⁷⁹ Ze ju nefà na' mb'a: Ta' ka silba, nke nket ndô nkàb 130, ta' ka silba num nesôg ju, nke nket ndô nkàb 70, num ndô nkàb dù'nsi, ndù bo tshwibte mbab bàn mfèt naṅ bwe mbàa fa a dun,

⁸⁰ ngù ntu' gol, nke nket ndô nkàb 10, ndù labinda dun bwe.

⁸¹ Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi.

⁸² Ta' fot mbwe num nelagte nukebwô.

⁸³ Num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn, tshù ju ze Ahira, nshum Einam na' mfà là.

⁸⁴ Tshù tshu nefà tse ghatô tunndà ba Israél na' mfà num neton fà num tômbwôge, mba neyo' tômbwôg là. A na' mb'a nka silba gham, nka silba nesôg ju ntshob bàa gham, ntu' gol ntshob bàa gham.

⁸⁵ Mba zit ka silba lo nke nket ndô nkàb 130, mba zit ka nesôg ju lo nke nket ndô nkàb 70. Tshen tshu là tamte fa ntum nkàb 2400, num ndô nkàb dù'nsi.

⁸⁶ Ntu' gol tse bo nke naṅ labinda bwe là lo nke ndo' ta' i, ndô nkàb 10, num ndô nkàb dù'nsi. Tshen ntu' là tamte fa mbe ndô nkàb gol 120,

⁸⁷ nyàm tse ndùbndùb tse bo se' yi num neton a kù kà bo nde'te Nsi yi là na' mb'a: Ndu mfô ntshob bàa gham, kekomnjù ntshob bàa gham, bon njùmbwe tamngu' ntshob bàa gham, kà ngù tshu nele'te Nsi yi z'a na' njà be là, ngù fot mbwe ntshob bàa gham num nelagte nukebwô.

⁸⁸ Njoṅ nyàm ndùbndùb fa tse bo na' mfà num nele'te Nsi ndù fite be là, na' mb'a nyàmna' ntshob kuà ṅam mbàa, nkekomnjù ṅam ntôge, fot mbwe ṅam ntôge, bon njùmbwe tamngu' ṅam ntôge. Tshù ju ze bo na' mfà num neton fà num tômbwôge bo nelo' njo' tômbwôg là.

⁸⁹ Ngelaṅ ze Mosé na' ntsho ndà mbumte netshob nu bo Tshùaben nà, a ju' nze mèn ntshob tù, dù' nebiagte nukebwô, tu Koṅ ntshù', netèt ba kérubin bàa. A nke ntshob nu yi.