Nesiaṅe 33 - NTSHOB NSI

Bon ndaṅnze netsin bwe fe netum Egipto

¹ Tshù ba dù' netsin bwe ze Mosé bo Aron na' nsô ba Israél mà Egipto, bo zin bwe boa ntshu ntsho yub li.

² Mosé nke nkite njoṅ dù' fa ze bo ke ntsin bwe, ndo' mba Tshùaben ke nda'te yi là. Tshù dù' netsin bwe mba mbàn yub li.

³ Bo lo Ramsès num lé'njù ntshob tàn gham num yen mbwe maṅwù là. A lo be num lé'njù z'a batte Pasa là, ba Israél tum yub tu, ba Egipto nke njene.

⁴ A na' mb'a ngelaṅ ze ba Egipto na' nke ntshoṅ tuswe tshob ze Tshùaben na' ngù bo kwùte, ndo' ma' tuswe yi tu ba nsi tshob là.

⁵ Bo lo Ramsès ntsin Sukkot.

⁶ Ndo Sukkot nte mbàn yub Etam, z'a be ndù bo kônkwa là.

⁷ Bo lo Etam mbèn Pi-Hariot, mbwe ngô Baal-Séfon nte mbàn yub mbwe ngô Migdol.

⁸ Bo lo mbwe Pi-Hariot ndut dibantse nzin lé'njù tat nkum num kônkwa Etam nte mbàn yub Mara.

⁹ Bo lo Mara nkum Elim, dù' ze tumnsi ntse na' mbe bwe ntshob bàa gham ngù ntene ṅam sammbàa là. Bo te bwe.

¹⁰ Bo lo Elim, nte mbàn yub mbaṅ ku dibantse Na'nko.

¹¹ Bo lo num yen ku dibantse Na'nko là nte mbàn yub num kônkwa Sin.

¹² Bo lo num kônkwa Sin nte mbàn yub Dofka.

¹³ Ndo Dofka nte Alus.

¹⁴ Ndo Alus nte Refidim, dù' ze benntùn na' mbwoṅ ntse là.

¹⁵ Ndo Refidim nte num kônkwa Sinaï.

¹⁶ Ndo num kônkwa Sinaï nte Kibrot-Tava.

¹⁷ Ndo Kibrot-Tava nte mbàn yub Hatserot.

¹⁸ Ndo Hatserot nte Ritma.

¹⁹ Ndo Ritma nte Rimmon-Péréts.

²⁰ Ndo Rimmon-Péréts nte Lifua.

²¹ Ndo Rifua nte Risa.

²² Ndo Risa nte Ketala.

²³ Ndo Ketala, nte Séfar.

²⁴ Ndo Séfar nte Harada.

²⁵ Ndo Harada nte Makehélot.

²⁶ Ndo Makehélot nte Tahat.

²⁷ Ndo Tahat nte Téra.

²⁸ Ndo Téra, nte Mitka.

²⁹ Ndo Mitka nte Hasmona.

³⁰ Ndo Hasmona nte Maserot.

³¹ Ndo Maserot nte Béné-Yakan

³² Ndo Béné-Yakan nte Hor-Guitgad.

³³ Ndo Hor-Guitgad nte Yotbata;

³⁴ ndo Yotbata nte Abrona;

³⁵ ndo Abrona nte Esion-Gueva;

³⁶ ndo Esion-Gueva nte num kônkwa Sin, yen nà la't'a ndù Kadèsh;

³⁷ ndo Kadèsh mbat Hor, ndùngô Edom.

³⁸ A na' mb'a bwe là ze Tshùaben na' ntsiaṅ Aron, ngale'te, a kwù là;

³⁹ ndù a tswe ngu'njù ṅam nkuà mba ba Israél tum mà Egipto là, num maṅwù tàn, num mbwe lé'njù ntùm maṅwù. Aron lo be kwù num mbat Hor, ndù a tswe ngu'njù ntshob tat bon bàa nkù.

⁴⁰ Ba Kanaan, mfen Arad lo nke ntswe Negéf, ntùm ngô Kanaan, ju' ndù bon ba Israél se'e.

⁴¹ Bo lo num mbat Hor nte Salmona,

⁴² ndo Salmona nte Punon;

⁴³ ndo Punon nte Obot;

⁴⁴ ndo Obot nte Iyé-Avarim; ndùngô Moab;

⁴⁵ ndo Iyim nte Dibon-Gad;

⁴⁶ ndo Dibon-Gad nte Almon-Diblataim,

⁴⁷ ndo Almon-Diblataim nte num mbat Avarim, mbwe Nébo,

⁴⁸ ndo num mbat Avarim nte tômbo' Moab, kaṅntse Yordan. Yériko be mo' yoṅ ntse;

⁴⁹ bo te kaṅntse Yordan neto' Yesimot tà nèn nkum Avel-Sittim, tômbo'o Moab.

Ju ze Nsi tshob num neghabte Kanaan nà

⁵⁰ Tshùaben tshob Mosé tômbo' Moab, kaṅntse Yordan, Yériko be mo' yoṅ ntse ndù:

⁵¹ Tshob bon ba Israél ndù: Ngelaṅ ze bin dut ntse Yordan, ntsho ntùm ngô Kanaan nà,

⁵² bin yoṅ njoṅ ba tswe ntùm ngô fa, bin bagte neto tse bo lo' à ndoṅ kà nabte yi là, mbagte tshob neto nekom ntùn fa, mbèn nsate tshob dù'nsi fa.

⁵³ Bin nsi lo' ngô fa ke tswe bwe, nummbe me fà yen ngô là bin, bin a' lo'. Bin nsi tam tô kà ghabte ngô yi tunndà tunndà. Nse' num tunndà z'a zi là, bin fà ze a yàm, nse' num z'a kag là, bin fà ze metsili.

⁵⁴ Mba we lo nsi ghù ze bag i dù' z'a jù tô bwe là. Bin nsi ghabte be num tunndà ba tà.

⁵⁵ Bin nyà ke yoṅ benntùn tse bin tèt yub nsi là fa, mba tse bin faṅ yub nsi là, nsi be à mba sôge se bo ma' miag bin nà, mba njô tun nku min nà, nke njoṅ zin be neyoṅe ntùm ngô ze bin tswe bwe là.

⁵⁶ Mba ju ze me ke nkwate neghù num bo là, mba me tù' ghù à num bin.