Néhémi 12 - NTSHOB NSI

Nesiaṅ ghale'te boa ben Lévi

¹ Tshù ndèn ghale'te Nsi boa ba Lévi tse boa Zorobabél, nshum Salatiél, mba Yoshua fe ndà kuan ni: Seraya, Yérémia, Esdra,

² Amaria, Malluk, Hattush,

³ Shekania, Rehum, Merémot,

⁴ Iddo, Guinetoi, Abiya,

⁵ Miyamin, Maadia, Bilga,

⁶ Shemaéya, Yoyarib, Yedaéya,

⁷ Sallu, Amok, Hilkija, Yedaéya. Tshù fenfen ghale'te Nsi boa fèt tshob tse bo na' mbe num ze ngelaṅ Yoshua là.

⁸ Ben Lévi: Yoshua, Binnui, Kadmiél, Shérébia, Yuda, Matania, ze boa fèt tse na' nke ntshagte kwi nelo' ngamte Nsi yi là;

⁹ Bakbukia bo Unni, tse bo na' nke mfa' mub mfa' mbaṅ fèt tshob là.

¹⁰ Yoshua bwe Yoyakim, Yoyakim bwe Eliashib, Eliashib bwe Yoyada,

¹¹ Yoyada bwe Yonatan, Yonatan bwe Tadadua.

¹² Tshù ndèn ben bo na' mbe ghale'te Nsi, fenfen tunndà num ze ngelaṅ Yoyakim li: Meraya num tunndà Seraya; Hanania num tunndà Yérémia;

¹³ Meshullam num tunndà Esdra; Yohanan num tunndà Amaria,

¹⁴ Yonatan num tunndà Meluki; Yosèf num tunndà Shébania;

¹⁵ Adna num tunndà Harim; Helkai num tunndà Merayot;

¹⁶ Iddo num tunndà Sakaria, Meshullam num tunndà Guinneton;

¹⁷ Zikri num tunndà Abiya, Piltai num tunndà Minyamin bo Moadia;

¹⁸ Shammua num tunndà Bilga; Yonatan num tunndà Shemaéya;

¹⁹ Matnai num tunndà Yoyarib; Uzzi num tunndà Yedaéya;

²⁰ Kallai num tunndà Sallai; Eber num tunndà Amok;

²¹ Hashabia num tunndà Hilkija; Netanéel num tunndà Yedaéya.

²² Num ze ngelaṅ Eliashib, Yoshanan bo Yaddua, ben Lévi tse bo be kamkam tunndà tshob là boa ghale'te lo kite ndèn mub ndùse Darius mfen Persia ke nsa' ngô là.

²³ Bo lo kite ndèn tse nshum Lévi, fenfen tunndà ntùm ṅwa'ni Kronika tà nèn nkum ze ngelaṅ Yoshanan nshum Eliashib.

²⁴ Se fa' fenfen ba Lévi: Hashabia, Shérébia bo Yoshua, nshum Kadmiél, boa fèt tshobe, na' mbèn nke mfa' fa' nenyàmte Tshùaben, ndaṅndaṅ mba David mèn Nsi na' ntshob là.

²⁵ Matania, Bakbukia, Abdia, Meshullam, Talmon bo Akkub, ghabéb nzendà, lo ke ndôte nze kàb.

²⁶ Bo na' mb'a num ze ngelaṅ Yoyakim, nshum Yoshua, nshum Yotsadak, mba num ze ngelaṅ Néhémi, ngomna, bo Esdra, ngale'te Nsi mbèn mbe ngalèn ntshù' Nsi.

²⁷ Ndùse bo ke ntsho' kàbngô Yérusalém nà, bo tsiaṅ njoṅ ba Lévi fa mba ntùm zit dù' lo bo be là, njoṅ yub fa se' Yérusalém njù jùa ntùm ṅwate, ndo' nkwi nyàmte, nze kekwat boa ndoṅ ṅwate yi num yen netsho' kàbngô Yérusalém nà.

²⁸ Tse nshum ghayobkwi fe dù' ts'a ghebte Yérusalém nà, nkùmte, mfe ntùm ngô ba Nétofatia,

²⁹ Bét-Guilgal, bo tse tsha' Guéba bo Azmavét; nummbe ghayobkwi lo kut tshob ngô num dù' ts'a ghebte Yérusalém nà.

³⁰ Ghale'te Nsi boa ba Lévi lànte wut tshobe, ndànte ngô, ndànte nzendà bo kàbngô.

³¹ Me ghù ba kamkam Yuda tse ndùbndùb ko' mfe num kàbngô. Me nabte ndà njobkwi ndùbndùb mbàa. Mbwe kam i nke nzin mfe num yen kàbngô là num bag bu zwim nèn nkum nzendà bu' bwembwôg.

³² Ben tse bo be njam ghayobkwi là b'a Hoshaya bo mo' kam ba kamkam Yuda tse ndùbndùb.

³³ Mba Asiria, Esdra, Meshullam,

³⁴ Yuda, Benjamin, Semaya, bo Irméya.

³⁵ Mbatte ghale'te Nsi tse bo ntshùb nta là. Sakaria nzwit Asaf ntshùa num Zakkur, Mikaya, Matania, Semaya bo Yonatan,

³⁶ boa fèt tse Semaya, Azareél, Milalai, Gilalai, Maai, Netanéel, Yuda bo Hanani be njam nke ntshùb tshu neyob kwi yi ze David, Esdra na' mbèn nkwé mbwe num sen laṅ se là.

³⁷ Bo ko' nkum num nzendà lagntse, nko' mbaṅ bwe nèn nkum kua' ntùm ngô David, ko' num yen kàbngô là, ntshùa bag mfe tu mbaṅ ndà David, nke nèn mbwe nkum nzendà ntse num bag ntumnyam.

³⁸ Mbatte yobkwi nèn num bag bu kwéb. Me tam njam i, num kàbngô, bag à mo' kam bwoṅ benntùn, bag tshùa mbaṅ ba' nesag ze tômbwôg neka ngefet yi, mba dù' ze kàbngô num nga'te bwe là.

³⁹ Bag tshùa mba mfe num bag nzendà Efraim, num nzendà Yekana bo nzendà ba ngontse; mba num ba' nesag Méa tà nèn nkum nzendà ba njùmbwe; tà nèn nkum num nzendà tsha.

⁴⁰ Men njobnkwi mbàa là tsin ntùm Ndà Nsi. Me bèn ntsin yàm be ndaṅndaṅ, be mba ghasa'kam tse bag à bo ke nzin nà.

⁴¹ Ghale'te Eliakim, Maaséya, Minarmin, Mikaya, Eloenai, Sakaria bo Hanania na' nke ntô nta.

⁴² Mba Maaséya, Semaya, Eléazar, Usi, Yohanan, Malkiya, Elam bo Esèr na' be. Ghayobkwi nke njob kwi benntùn nju'u, Yisrahia be ngalôte yube.

⁴³ Bo zwite ba nyàm yàm num sen lé'njù là, nke nde'te Nsi yi, nke ntsiaṅte, nummbe Nsi na' ghù bo ṅwate neshu; bènnzwi boa bônke' bèn nke ntsiaṅte yub, benntùn nke nju' mba ba Yérusalém tshwèt ntsiaṅte là tà ngùanesà.

Tshu tse bo yab ghale'te boa ba Lévi là

⁴⁴ A be kua' num yen ngelaṅ nà, bo yab benntùn ndù bo ke ndôte bon ndà nke'nke' dù' ze bo na' njabte ntàmtù tshu nefà, mba ta' bag i ntshù' num ju ze bo ghabte nze gham num tshu ts'a tum num tsha' là mfà ta' nz'é ntshù' Nsi. A na' bwô ndù tshen benntùn nà lo' yub bag i num netsho' ze ntshù' na' mfà ghale'te boa ba Lévi ndù a fe à ntùm nà bo dù' a diaṅ tusô mbum nà. Njoṅ ba Yuda fa na' ntsiaṅte num fa' se ghale'te boa ba Lévi tse bo na' njab yub num fa' na' ngù a bumte là.

⁴⁵ Bo nke mfa' fa' Nsi yub, nke mfa' fa' nelànte benntùn. Ghayobkwi boa ghabéb nzendà bèn nke mfa' sob fa' ndaṅndaṅ mba David bo mén i Salomon na' ntshob là;

⁴⁶ nummbe fe tà mbwe neto'te num miag David bo Asaf, ba tà ghayobkwi na' be bwe nke njob kwi nyàmte Nsi yi, nke mfà ghamte yi.

⁴⁷ Njoṅ ba Israél fa, tse bo na' mbe num ze ngelaṅ Zorobabél, ndaṅndaṅ mba num ze ngelaṅ Néhémi là, nke mbèn mfà njoṅ tshu fa ts'a na' mbwô neke mfà ghabéb nzendà là mba num sit lé'njù lo. Bo na' ke mbèn mfà tshu nelàn ba Lévi, ba Lévi bèn nke mfà yub ghale'te tse bo be nzwit Aron nà.