Néhémi 11 - NTSHOB NSI

Neghabte ben nswe netèt Yérusalém bo tshé' tsha' ts'a tù' là

¹ Kamkam ngô tete mà Yérusalém. Tshé' ngô tam tô num neghù ndù ta' bag i num tse gham te Yérusalém, ntùm tusô nelàne, tse bo tù' là ghô ntùm ntusô.

² Ngô nyàmte njoṅ benntùn fa tse bo bam kua' yub tu netswe Yérusalém nà.

³ Tshù kamkam taṅ ngô tse bo na' nte Yérusalém ni. Ntùm ntusô Yuda, mba we lo na' ntswe à num tse tsha'a, ntùm se tusô: Israél, ghale'te Nsi, ba Lévi, ba Nétinia boa tse ghafa' Salomon.

⁴ Tse nshum Yuda bo Benjamin te Yérusalém. Tse nshum Yuda b'a: Ataya, nshum Ozias, nshum Sakaria, nshum Amaria, nshum Shéfatia, nshum Mahalalel netèt tse nshum Péréts,

⁵ bo Maaséya, nshum Baruk, nshum Kol-Hozé, nshum Hazaya, nshum Adaya, nshum Yoyarib, nshum Sakaria, nshum Shiloni.

⁶ Njoṅ tse nshum Péréts tse bo na' nte Yérusalém nà tum ba nduku ntu 468.

⁷ Tshù tse nshum Benjamin ni: Sallu, nshum Meshullam, nshum Yoéd, nshum Pedaya, nshum Kolaya, nshum Maaséya, nshum Itiél, nshum Esaya,

⁸ a be tôg ze a be Gabbai bo Sallai, benntùn 928.

⁹ Yoél nshum Zikri na' mb'a yub mfen; Yuda nshum Senua be mbatte mfen bàa tusô.

¹⁰ Ghale'te: Yedaéya, nshum Yoyarib, Yakin,

¹¹ Seraya, nshum Hilkija, nshum Meshullam, nshum Tsadok, nshum Merayot, nshum Ahitub, nkam Ndà Nsi,

¹² boa fèt tshob tse bo ke mfa' ndà là, benntùn 822; Adaya, nshum Yérosham, nshum Pelalia, nshum Amtsi, nshum Sakaria, nshum Pashur, nshum Malkiya,

¹³ boa fèt tse, fenfen njam tunndà tà, benntùn 242; bo Amashsai, nshum Azareél, nshum Akzai, nshum Meshillemot, nshum Immer,

¹⁴ boa fèt tshobe, ba nduku benntùn 128. Zabdiél, nshum Guedolim na' mb'a mfen yub.

¹⁵ Ben Lévi: Shemaéya, nshum Hashub, nshum Arikam, nshum Hashabia, nshum Bunni,

¹⁶ Shabbetai bo Yozabad, tse bo na' njab yub num tshunu Ndà Nsi tse njam njù là. Bo na' mbèn mb'a kamkam netèt ba Lévi;

¹⁷ Matania, nshum Mika, nshum Zabdi, nshum Asaf, mfen z'a ke njob kwi ghamte ngelaṅ le'te là, mba Bakbukia, mbatte mèn netèt fèt tse, bo Abda, nshum Shammua, nshum Galal, nshum Yedutun.

¹⁸ Ben Lévi lo tamte mbe ntùm tusô nelàn benntùn 284.

¹⁹ Ghabéb nzendà: Akkub, Talmon, boa fèt tshobe, ghalôte nzendà, benntùn 172.

²⁰ Tshé' ba Israél, ghale'te Nsi, ben Lévi, tete ntùm njoṅ ntusô Yuda fa, mba we lo tswe num tse tsha'a.

²¹ Ba Nétinia tete yub à num kônga; tshob fenfen na' mb'a Tsiko bo Guishpa.

²² Mfen ba Lévi Yérusalém na' mb'a Uzzi, nshum Bani, nshum Hashabia, nshum Matania, nshum Mika, netèt tse nshum Asaf, ghayobkwi tse bo ke mfa' ntùm Ndà Nsi là;

²³ nummb'a lo be be ndù mfen tshob nu mfà num ghayobkwi, njab njoṅ nkàb fa' ze bo ghù mfà bo mba sit lé'njù lo là.

²⁴ Petashja, nshum Meshézabéel, mèn netèt tse nshum Zérak nshum Yuda na' mb'a nganze mfen num njoṅ tse tshunu ngô Israél fa.

²⁵ Tse nshum Yuda tete ntùm ba ngô, num tsha' tshobe. Bo tete Kirjat-Arba dù' ts'a ghebte bwe là, ntete Dibon mba dù' ts'a ghebte bwe là, ntete Yékabtséel mba dù' ts'a ghebte bwe là;

²⁶ nte Yéshua, Molada, Bét-Palet,

²⁷ Hatsar-Shual, Ber-Shéba mba dù' ts'a ghebte bwe là,

²⁸ Tsiklag, Mekona mba dù' ts'a ghebte bwe là,

²⁹ En-Rimmon, Tsoréa, Yarmut,

³⁰ Zanoak, Adullam mba dù' ts'a ghebte bwe là, Lakis mba njoṅ tse tsha' fa, Azéka mba dù' ts'a ghebte bwe là. Bo tete nelo Ber-Shéba nèn nkum tômbo' Hinnom.

³¹ Tse nshum Benjamin tete nelo Guéba, Mikmash, Ayya, Bétél, mba dù' ts'a ghebte bwe là,

³² Anatot, Nob, Hanania,

³³ Hatsor, Rama, Guittaim,

³⁴ Hadid, Tséboim, Neballat,

³⁵ Lod bo Ono, tômbo' ghafa'.

³⁶ Tsemo' ba Lévi tamte num benjamin, mba mba bo na' mb'a num ze bag Yuda là.