Néhémi 10 - NTSHOB NSI

¹ Tshù ndèn ben tse bo ṅu' tun ṅwa'ni kàn nà li: Néhémi, ngomna, nshum Hakalia.

² Sédékia, Seraya, Azaria, Yérémia,

³ Pashur, Amaria, Malkiya,

⁴ Hattush, Shébania, Malluk,

⁵ Harim, Merémot, Abdia,

⁶ Daniel, Guinneton, Baruk,

⁷ Meshullam, Abiya, Miyamin,

⁸ Maazia, Bilgai, Shemaéya. Bo na' mb'a ghale'te Nsi.

⁹ Ba Lévi: Yoshua, nshum Azania, Binnui, tse nshum Hénadad, Kadmiél,

¹⁰ boa fèt tshobe, Shébania, Hodiya, Kelita, Pelaya, Hanan,

¹¹ Mika, Rehob, Hashabia,

¹² Zakkur, Shérébia,

¹³ Hodiya, Bani, Beninu.

¹⁴ Kamkam ngô: Pareosh, Palat-Moab, Elam, Zattu, Bani,

¹⁵ Bunni, Azgad, Bébai,

¹⁶ Adoniya, Bigvai, Adin,

¹⁷ Ater, Ezékia, Azzur,

¹⁸ Hodiya, Hashum, Betsai,

¹⁹ Harif, Anatot, Nébai,

²⁰ Magpiash, Meshullam, Hézir,

²¹ Meshézabéel, Tsadok, Yaddua,

²² Pelatia, Hanan, Anaya,

²³ Osé, Hanania, Hashub,

²⁴ Halloésh, Pilsha, Shobek,

²⁵ Rehum, Hashabna, Maaséya,

²⁶ Ashiya, Hanan, Anan,

²⁷ Malluk, Harim, Baana.

²⁸ Tshé' benntùn, ghale'te Nsi, ben Lévi, ghabéb nzendà, ghayobkwi, ba Nétinia, njoṅ benntùn fa tse bo sô wut tshob num ba tum, nke nze ntshù' Nsi là, zwi tshobe, bon tshobe, bon tshob tse bandum boa tse bènnzwi, njoṅ benntùn fa tse bo ku'ni nelèn ju, ngù nesiaṅte nu là,

²⁹ tamte num fèt tshob tse bo be kum benntùn netèt bo là. Bo tamte nkàn mfe, nu ngu ndù bo a' ke nzin à ntùm ntshù' mi Nsi na' mfà ngafa' i Mosé là, nke ntshùb mbèn nze njoṅ nkàn Tshùaben, Tshùaben be fa, ntag mi boa ntshù' mi.

³⁰ Bag ka' mbe bag ke bèn nefà ngonngon tshag ba la' ke bèn mbam nelo' tshob ngonngon mfà tshag bon.

³¹ Bag ka' mbe bag ke nsi jun sàm ju lé'njù Sabbat boa lé'njù jùa, a be ze ba la' lo' nke nèn swèn lé'njù Sabbat là. Ke tshen tshu là b'a mba ke lo. Bag ka' neke mfaṅ tsha' là num mbatte ngu'njù sammbàa, ke bèn mbètte njo ze bag ghù bam mènntùn nà.

Netshob nu mfà num nenabte dù' nefà ghamte Nsi bwe

³² Bag yab tsemo' ntshù' tu bag, tshen nà nke nànte yag ndù bag ke mfà ta' bag mfé ndô nkàb ntshù' num tse tat num tamngu', num fa' Ndà Nsi yag,

³³ num bàn le'te, num ju bwôntù njoṅ ndù fa, num nyàm neton njoṅ ndù fa, njoṅ Sabbat fa, num ba ntshùa ṅwù boa ba jùa, num tshu tse bo fà Nsi là, num tshule'te fa tse bo fà num ze tu Israél, bo njoṅ tshu fa ts'a be ntôg ntùm Ndà Nsi yag là.

³⁴ Bag tam tô, ghale'te Nsi, ben Lévi mba ngô, num nu ntshwèn z'a bwô ndù bo ke nse' yi mba zit ngu' lo ntùm Ndà Nsi yag num ju bwôntù là. Bo nke nse' yi à num tunndà tà, num ngelaṅ ze bo yab là, ndù bo ke nton num tômbwôg Tshùaben Nsi yag, mba bo kite ntùm ntshù' là.

³⁵ Bag jù' neke ndo' mbwe ntàm tsha' boa mi ntù neyàm ntàm fa nèn yi ntùm ndà Tshùaben mba zit ngu'njù lo;

³⁶ bag jù' neke ndo' mbwe bon tshag tse bandum boa tse nyàm tshag nèn yi Ndà Nsi yag mfà ghale'te tse bo be mfa' ntùm Ndà Nsi yag là. Nummbe bo kite ntùm ntshù' ndùlala, ndù bag ke mfà mbwe bon nyàmna' tshag boa tse mbwe tshage.

³⁷ Mba ndù bag ke mfà tshag mbwe bàn, tshag tshu bwôntù, mag mbwe njoṅ ntàm njoṅ ntù fa, ndu', mfèt, ghale'te Nsi ntùm nto'ndà Ndà Nsi yag. Mba ndù bag ke mfà ta' bag ju ntshù' num tse gham, num mba ke lo z'a tum ntùm tsha' là ba Lévi. Bo nsi ke kwé tshen tshu là yub tu wut num njoṅ ntusô fa mi a be num tsha' tse bag dù' là.

³⁸ Ngale'te Nsi, nshum Aron nsi be boa ba Lévi ndùse bo nsi kwé ta' bag ju ntshù' num tse gham nà. Ben Lévi nsi fà ta' bag ju ntshù' num tse gham num njoṅ tshu fa tse bo nsi kwé là, lo' nèn yi ntùm Ndà Nsi yag, ntùm nto'ndà tshunkàb.

³⁹ Nummbe bon Israél boa tse nshum Lévi nsi lo' tshob tshu bwôntù, nsa, ndu' bo mfèt; tshundà dù' nelàn ba bwe, ghale'te Nsi tse bo ke mfa' fa' là ke ntsin à bwe boa ghabéb nzendà mba ghayobkwi. Tshù mba bag na' njù' ndù bag ke nsi ghua' Ndà Nsi yag là.