Mfa' Ghantum 6 - NTSHOB NSI

Netsho' ben sammbàa num mfa'

¹ A lo be num tshen lé'njù là, ghazi'te nke nkwi'te, là ba Yuda tse bo fe Grikia là nke nzwete tun ntô num ba Héber, nummbe bo lo ke ngwag tshob fôg bènnzwi ntùm fa' neghabte jujù s'a ke ntôg njoṅ lé'njù fa là.

² Tse ntshob bàa gham tsiaṅ njoṅ ghazi'te fa, ntshob bo ndù: A ke' bwô ndù bag faṅ netshob ntshob Nsi num fa' téblé num neghabte jujù.

³ Fètfèt, bin tsho' ben sammbàa tse bo num nkwé nta mub kua' mebwô, tse bo dun Ywèt Nelàn mba zenu là netèt bin; bag nsi fà sen fa' là bo.

⁴ Mba bag là, bag nsi kagtùn num le'te Nsi mba num fa' ntshob Nsi.

⁵ Men nkwate li bwô njoṅ ntse'te fa. Bo tsho' Etiènne, mèn ze bamntù mba Ywèt Nelàn dun num i là, Filibo, Nikanôr, Timon, Parmena mba Nikôla ze Antiôkia z'a bam nu ba Yuda là.

⁶ Bo tswite yub ghantum, bo le'te Nsi, njab mbu num bo.

⁷ Ntshob Nsi nke nèn be mbwe, ghazi'te nke njàm Yérusalém neyàme, mba mo' bwoṅ ghale'te Nsi ju' ntshu bamntù.

Etiènne mbwe ghatsho'te ntsha

⁸ Etiènne dun kondèn mba neta Nsi, nke ngù nu netshàme, mba nsà ndùbndùb netèt benntùn.

⁹ Là tsemo' ben tse bo tum ntùm sinagogue ze bo ke ntsiaṅ sinagogue ben bo tshu' yub là, tsemo' ba Yuda tse Kiréné mba tse Aléksaṅdria, tse Kilikia mba tse Asia, nkam Etiènne ntsha.

¹⁰ Bo ke ku'ni netshùa i num zenu mba num Ywèt z'a ke ngù a ntshob là.

¹¹ Là bo tù' tènte benntùn ndù bo tshob ndù bo lo ju' a nke ntshabte Mosé mba Nsi.

¹² Bo kam benntùn, ghakwé mbwe, ghalèn ṅwa'ni Nsi; bo yoṅ nse' be ndende, ngom Etiènne, nèn yi mbwe ntse'te ghatsho'te ntsha.

¹³ Bo tsho bwe, ngù ghakwénta tatte nke ntshob ndù: Yen mèn ni ke' be tsin netshob nukebwô num dù' nelàn mba num ntshù' Mosé.

¹⁴ Bag lo ju' a tshob ndù: Yen Yésu ze Nazarèt là nsi sate yen dù' li, mbate ntenu tse Mosé na' mfà bag là.

¹⁵ Njoṅ benntùn fa tse bo tswe ndàntsha là, lo te miag num Etiènne; se i tswe bo mba se Angél là.