2 Korintô 13 - NTSHOB NSI

Ntage, mba tsha'te

¹ Yen ni b'a mbatte yoṅ tat mba me tshwèt nse' la' bin nà. Njoṅ ntsha fa nsi mi num ntshu ghakwénta bàa ke tat lo.

² Ngelaṅ me na' mbe la' bin num mbatte yoṅ bàa là, me lo tshobe, me bèn ntshob ndonni ze me be ngùanesà là, ben tse bo na' ngù nukebwô là, mba njoṅ tsemo' fa ndù me ke nsi ko ndèn ngelaṅ me bèn se' là.

³ Nummbe bin tshwèt ndiag kwénta, nelène, a be ze Kristô num ntshob num àm nà, yi z'a ke' b'a mèn nebole, là mèn neta netèt bin nà.

⁴ Mba mba bo na' nkwimt'é num fanta'tù num nebot là, a b'a kua' ntùn num neta Nsi. Mba bag yag tse bag be ben nebot num i là, bag à bo nsi be ntùn num neta Nsi.

⁵ Bin laṅte wut tsin njene, a be ze bin b'a ntùm bamntù là; bin nèn tsham wut tsine. Tu wut tsin ke' lèn ndù Yésu Kristô num num bin ké? A be ke b'a ndù bin vù laṅte.

⁶ Là me kwate ndù bin a' lèn ndù bag ke' vù laṅte.

⁷ Là bag tshwèt nde'te Nsi ndù kà bin ghù sàm nukebwô, ke b'a ndù bo yen yag mba ben tse bo tshùa laṅte là, là ndù bin ghù numebwô, bo lo' yag mba ben tse bo vù laṅte là.

⁸ Bag ke' ku' nele' nenùne, là bag ghù neta à num nenùne.

⁹ Nummbe bag num ntsiaṅte ngelaṅ bag bole, bin ta là. Ju ze bag num mbètte ntùm le'te Nsi là b'a ndù bin tsin num manze mebwô.

¹⁰ A ndùlala bèn ngù kà me nkite tshen tshu là bin tà ngùanesà, ndù ngelaṅ me nsi se' la' bin nà, kà me tshùag ntùm ngù' ze Tshùaben fà me num nekule, ke b'a nesate là.

¹¹ Fèt tshàm, ndonni bin tsiaṅte, bin tsin num manze mebwô, bin ke ntagte wut tsin bin bin. Bin ghù nkwate ntshù', bin tswe ntùm fite, Nsi nkôni mba fite be bin.

¹² Bin tsha'te wut tsin bin bin ntùm nenyô nge' ze nelàne.

¹³ Kondèn Tshùaben Yésu Kristô, nkôni Nsi mba netamte Ywèt Nelàn be njoṅ zin fa.