1 Tésalônikà 1 - NTSHOB NSI

Tsha'te

¹ Paulo, Silvanô mba Timôtio, kite yen ṅwa'ni li à ntse'te benkristô Tésalônikà z'a be num Nsi Tà mba Tshùaben Yésu Kristô là. Kondèn mba fite be bin!

Nkùn mebwô fon nsi Tésalônikà

² Bag num ndabte Nsi njoṅ ndù fa num njoṅ zin fa, nke ntsi lén sin ntùm nde'te Nsi mage, ke tsin.

³ Bag num nkwimte fa' bamntù zine, nke nkwimte fa' nkôni sine, nke nkwimte zin neju' ntshu ntùm nenywinte num Tshùaben be Yésu Kristô mbwe Nsi z'a be Tà be là.

⁴ Fètfèt tse Nsi num nkô yub là, bag lèn ndù Nsi tsho' zine,

⁵ nummbe nkùn mebwô yag lo ke se' netèt bin à nda' ntùm ntshobe, là ntùm neta mba ntùm Ywèt nelàn ts'a dun ntshùate là, nummbe bin lèn ndù bag na' mbe netèt bin à ndùlala num bin.

⁶ Mba bin zin lo tù' ghafi'te yage, mba ghafi'te Tshùaben, nkwé ntshob ntùm nge' yàme, ntùm tsiaṅte Ywèt Nelàne,

⁷ ndùlala bin lo tù' mfi' njoṅ ghabamntù fa tse bo Makédônia mba Akaya là.

⁸ Nummbe fe la' bin ntshob Tshùaben lo ju'ni, ke b'a nda' Makédônia mba Akaya, là njoṅ dù' fa; bamntù zin num Nsi lo tume, k'a ke bèn mbwô ndù bag tshob sàm ju.

⁹ Nummbe benntùn num nsoṅ mat mba bin na' ndo' yag netèt bin nà, mba bin na' nkaṅ ntù tsin num Nsi, ngua' ba nsi neto num nefa' Nsi z'a be ntùn mba ze nenùne,

¹⁰ nke mbéb Mén i z'a fe kamànyam, Mén i z'a bam i num vù, Yésu z'a kwé be bu yantù z'a nsi se' là.