1 Kronika 9 - NTSHOB NSI

Ba tswe Yérusalém

¹ Bo kite lén mba zit ze Israél lo ntùm ṅwa'ni nkùndà, nkite mba ntùm ṅwa'ni fenfen Israél. Bo lo' Yuda nèn yi ndà kuan Babilon à mb'a na' mbe ke ju' ntshu là.

² Mbwe benntùn tse bo te ntùm ngô, ntswe num tshob dù', ntùm mub ntusô là b'a ba Israél, ghafà tshule'te, ba Lévi boa ghafa' ntùm ndà Nsi.

³ Tse nshum Yuda, tse Benjamin, boa tse Efraim mba tse Manasé na' mbèn nke ntswe Yérusalém.

⁴ Tse nshum Péréts, nshum Yuda: Utai nshum Ammihud, nshum Omri, nshum Imri, nshum Bani.

⁵ Tse ben Shilon: Asaya, tuswe i boa nshumnshum tse.

⁶ Tse nshum Zérak: Yeuél boa fèt tse, benntùn ntu bon bwe'e nkù ntôge.

⁷ Tse nshum Benjamin: Sallu, nshum Meshullam, nshum Hodavia, nshum Asenua;

⁸ Yibneya nshum Yéroam; Ela nshum Uzzi, nshum Mikri; Meshullam, nshum Shefatia, nshum Reuél, nshum Yibniyi;

⁹ boa fèt tshobe, mba tshob zwiaṅ be là, benntùn ntu ntshob ntôg bon tàn nkù bwe'e. Tshen ben nà mb'a fenfen tunndà ntùm tunndà tà tshobe.

¹⁰ Netèt ghafà tshule'te: Yedaéya; Yakin;

¹¹ Azaria nshum Hilkija, nshum Meshullam, nshum Tsadok, nshum Merayot, nshum Akitub, nkam ntùm ndà Nsi.

¹² Adia nshum Yéroam, nshum Pashur, nshum Malkiya; Maésai nshum Adiél, nshum Yakzéra, nshum Meshullam, nshum Meshillémit, nshum Immer;

¹³ boa fèt tshobe, fenfen tunndà tà tshobe, benntùn ntu bon ntôg ntshob sammbàa ntsha', ba neta nduku, tse bo yab yu num fa' ntùm ndà Nsi là.

¹⁴ Ben Lévi: Shemaéya, nshum Hashub, nshum Azrikam, nshum Hashabia, nshum Mérari;

¹⁵ Bakbakar; Héresh; Galal; Mattania, nshum Mika, nshum Zikri, nshum Asaf;

¹⁶ Abdia, nshum Shemaéya, nshum Galal, nshum Yédutun; Bérékia, nshum Asa, nshum Elkana, z'a na' nke ntswe ntùm mi nda' ben Netofat là.

¹⁷ Ghabéb nzendà: Shallum, Akkub, Talmon, Akiman, boa fèt tse; Shallum na' mb'a mfen,

¹⁸ tà nse' nkum mba ndonni a num mbe nzendà mfen ntumnyam. Tshen ben nà b'a ghabéb nzendà mbàn tse nshum Lévi.

¹⁹ Shallum, nshum Koré, nshum Abiasaf, nshum Koré, boa fèt tse tse bo be ndà tàab ben Koré là. Tshen ni na' nke mbéb à nzendà ntàb, a be sob fa'; tà tshob lo ke mbéb nze netsho yi mbàn Tshùaben.

²⁰ Finéas, nshum Eléazar na' mbèn mbe mfen yub mo' ngelaṅ. Tshùaben lo ke mbe bo yi.

²¹ Sakaria nshum Meshélémia na' mb'a ngabéb nze netsho yi ntùm ndà mbumte.

²² Bo na' mb'a benntùn ntu ntshob bàa mén bùm nkù njoṅ yub fa, tse bo tsho' yub neke mbéb nzendà là. Bo lo kite ndèn mub ntùm ṅwa'ni nkùndà, mba nda' mub be yi là; David bo Samuél ngayente na' mbèn nte yub ntùm mub mfa'.

²³ Bo boa bon tshob na' mbèn nke mbéb nzendà ndà Tshùaben bo ze ndà ntàb.

²⁴ Ghabéb nzendà lo be num bag ba' kuà fa: Ntumnyam, mbinyam, tu mba ntèn.

²⁵ Fèt tshob tse bo ke ntswe ntùm mub nda' là, bo ke ntswe nse' mbaṅ bo tsemo' ngelaṅ, ntswe bwe mum lé'njù sammbàa.

²⁶ Nummbe tshen fenfen kuà netèt ghabéb nzendà là, tshen ben Lévi là lo ke mb'a be tshwèt fa. Bo na' mbèn nke ndôte mba nto'ndà tshunkàb ndà Nsi;

²⁷ bo na' nke nzi à mbaṅ ndà Nsi, ndù bo lam i mbume, nummbe bo bèn nke mbébe, mbèn mbèn nke nga' nzendà tse mba zit nkebnjù lo.

²⁸ Tsemo' ben Lévi lo ke ndôte tshu ndà fa, nke mbe tum yi nsiaṅe, mbèn mbe tsho yi nsiaṅe.

²⁹ Tsemo' lo ke ndôte tshundà, njoṅ tshundà fa ts'a dù' nelàn nà: Mbab bàn, ndu', mfèt, tshu nelamte, Labinda.

³⁰ Tse nshum ghafà tshule'te na' mbèn nke ntamte ba labinda.

³¹ Mattitia, mo' mèn Lévi, tuswe Shallum, mén Koré na' mbèn nke ndôte nu num tag ze bo ton num bag ju là.

³² Tsemo' fèt tshob netèt ben Kéhat na' mbèn nke nabte bàn le'te Nsi mba sit lé'njù Sabbat lo.

³³ Tshen ben nà b'a ghayobkwi, fenfen tunndà ben Lévi. Bo na' nke ntswe à ntùm nto'ndà, ndù bo sô yub num memo' mfa' nummbe bo na' nke mb'a tshwèt fa' mbwôgtshù bo tèttswe'.

³⁴ Tshen ben nà b'a fenfen tunndà ben Lévi, fenfen num tshob zwiaṅ. Bo na' nke ntswe à Yérusalém.

Ntôndà Saulo

³⁵ Tà Gabaon, Yéiél na' nke ntswe à Gabaon, lén nzwi i be Maaka.

³⁶ Abdon b'a mbwe nshum i, mbèn ngù Tsur, Kis, Baal, Ner, Nadab,

³⁷ Guedor, Akyo, Sakaria bo Miklot.

³⁸ Miklot bwe Shiméan. Mba bo yub ke ntswe à Yérusalém mbaṅ fèt tshobe, boa tshob fèle.

³⁹ Ner bwe Kis; Kis bwe Saulo; Saulo bwe Yonatan, Malki-Shua, Abinadab bo Eshbaal.

⁴⁰ Nshum Yonatan: Mérib-Baal. Mérib-Baal bwe Mika.

⁴¹ Tse nshum Mika: Piton, Mélék bo Takréa.

⁴² Akaz bwe Yaéra; Yaéra bwe Alemét, Azmavét bo Zimri; Zimri bwe Motsa;

⁴³ Motsa bwe Binéa. Refaya nshum i; Eléasa nshum i; Atsél nshum i.

⁴⁴ Atsél lo ghù tse nshum ntôge. Tshù ndèn mub li: Azrikam, Bokru, Ismaél, Shéaria, Abdia bo Haran. Tshen nà b'a tse nshum Atsél.