1 Kronika 7 - NTSHOB NSI

Nu tunndà nzwit Isakar, Benjamin, Néftali

¹ Ndèn bon Isakar tse bandum b'a ndù: Tola, Pua, Yasub, Simron, benntùn kuà.

² Ndèn bon Tola tse bandum b'a ndù: Usi, Refaya, Yeriél, Yamai, Yibsam mba Samuél tse bo na' mbe ba tà num nzwit tunndà Tola là. A na' mbe num ze ngelaṅ David njoṅ neta bandum tse bo tum num tunndà yub là be ntsha' ntshob bàa ṅam mbàa ngù benntùn nkù ntôge.

³ Mén Usi ze mandum be Yisraya; bon Yisraya tse bandum be ndù: Mikaél, Obadia, Yoél, Yisiya, benntùn tàn, njoṅ yub be ba tà.

⁴ Benntùn tse boa bo be num njoṅ yub fa zwiaṅ zwiaṅ, bo bwe yub num njoṅ tunndà ba tà tshob fa là, mbe bandum tse bo na' nku'ni nema' ntsho, nke nèn tshwèt ntsho là, be bandum ntsha' ntshob ntôg ṅam ntat, kà ngù bènnzwi mba bon.

⁵ Neta benntùn tse bo tum num tunndà Isakar mbe fèt tshob là tamte mbe bandum ntsha' ntshob sammbàa ṅam fome, tse bo na' nkite ndèn mub ntùm ṅwa'ni ndèn nzwit yub là.

⁶ Ndèn bon Benjamin tse bandum b'a ndù: Béla, Beker, Yediaél, benntùn tat.

⁷ Ndèn bon Béla b'a ndù: Esbon, Usi, Yérimot mba Iri, bo be ba tà num tunndà tàn, be neta bandum ghama' ntsho ntsha' ntshob bàa ṅam mbàa ngù bandum ntshob kuà ṅam ntat tse bo kite ndèn mub ntùm ṅwa'ni ndèn nà.

⁸ Ndèn bon Beker tse bandum b'a ndù: Semira, Yoash, Eliézer, Elysenai, Omri,Yéremot, Abiya, Anatot mba Alemét. Njoṅ tshen bon tse bandum nà b'a tse Beker.

⁹ Bo siaṅ nzwit tshen ba tà tunndà là bo be neta bandum ntsha' ṅam mbàa ngù benntùn nkù bàa.

¹⁰ Lén mén Yediaél ze mandum be Bilham, ndèn bon Bilham tse bandum b'a ndù: Yeus, Benjamin, Ehud, Kenaana, Setan, Tarsis mba Ahishahar.

¹¹ Tshen nà b'a bon Yediaél tse bandum mbe ba tà tunndà, mbe kua' neta bandum ghama' ntsho ntsha' ntshob sammbàa gham ngù benntùn nkù bàa tse bo na' nku'ni nema' ntsho là.

¹² Supim bo Hupim na' mb'a bon Ir tse bandum; Hushim be mén Aer ze mandum.

¹³ Ndèn bon Néftali tse bandum b'a ndù: Yasiél, Guni, Yéser mba Salum. Bo na' mb'a bon Bilha tse bandum.

Nu tunndà nzwit Manasé

¹⁴ Ndèn bon Manasé tse bandum b'a Asriél ze nkuan i ngon Aram bwe yi là, a bwe ze Makir tà Galad.

¹⁵ Makir nandà bo mènnzwi z'a na' mbe mfèt Hupim bo Supim nà; lén yen mfèt yub ze mènnzwi là be Maaka. Lén mbatte mén bàa na' mb'a Selofehad. Selofehad na' bwe à be bènnzwi.

¹⁶ Maaka nzwi Makir bwe mén mandum ntswi lén se ndù Perès; lén mfèl i ze mandum be Serès; ndèn tse bon tse bandum be Ulam bo Rekem.

¹⁷ Lén mén Ulam ze mandum be Bedan.

¹⁸ Tshen nà b'a kua' bon Galad tse bandum mén Makir, mén Manasé, mfèl i ze mènnzwi Hamoleketh bwe Ishod bo Abiézer mba Mala.

¹⁹ Ndèn bon Semida tse bandum b'a ndù: Ahian, Sékem, Likhi mba Aniam.

²⁰ Tse nshum Efraim: Shutélak; Béréd nshum i; Takat nshum i; Eléada nshum i; Takat nshum i;

²¹ Zabad nshum i; Shutélak nshum i; Ezer bo Eléad. Ben tse bo bwe yub ntùm ngô là bo zwite yube, nummbe bo lo swe' nse' lo' bwoṅ nyàm tshobe.

²² Efraim tà yub, tswe nsi vù ngelaṅ yàme, fèt tse nke nse' mfite ntù i.

²³ A bèn nèn mbaṅ nzwi i, a lèt, mbwe ta' nshum yi; a tswi lén se ndù Béria, nummbe sobni lo be yi ndà.

²⁴ Ngon i na' mb'a Shéera. A na' mbèn nkut Bét-Horon z'a mfe tu mba z'a mà tun nà, mba Uzzen-Shéera.

²⁵ Refak b'a nshum i bo Réshef; Télak nshum i; Tahân nshum i;

²⁶ Ladan nshum i; Ammihud nshum i; Elishama nshum i;

²⁷ Nun nshum i; Yoshua nshum i;

²⁸ dù' tse bo ghù boa nda' mi bo ghù là na' mb'a Bétél boa ntusô mi a ghebte là; Naaran be bag ntumnyam; Guézer boa ntusô mi a ghebte là bag mbinyam, Sikém boa ntusô mi a ghebte là tà nèn nkum Gaza boa ntusô mi a ghebte là.

²⁹ Tse nshum Manasé na' mbèn ngù Bét-Shéan boa ntusô mi a ghebte là, Taanak boa ntusô mi a ghebte là, Megiddo boa ntusô mi a ghebte là, Dor boa ntusô mi a ghebte là. Tse nshum Yosèf, nshum Israél na' nke ntswe à ntùm men ntusô là.

³⁰ Tse nshum Aser: Yimna, Yishva, Yishvi bo Béria, mba Sérak mfèt yub ze mènnzwi.

³¹ Tse nshum Béria: Héber bo Malkiél. Malkiél na' mbèn mbe tà Birzavit.

³² Héber bwe Yaflét, Shomer, bo Hotam, Shua mba mfèt yub ze mènnzwi.

³³ Tse nshum Yaflét: Pasak, Bimai bo Ashvat. Tshen ben ni b'a tse nshum Yaflét.

³⁴ Tse nshum Shamer: Aki, Rohega, Hubba bo Aram.

³⁵ Tse nshum Hélém mfèl i: Tsofak, Yimna, Shélesh bo Amal.

³⁶ Tse nshum Tsofak: Suak, Harnéfer, Shual, Béri, Yamra,

³⁷ Betser, Hod, Shamma, Shilsha, Yitran bo Beéra..

³⁸ Tse nshum Yéter: Yéfuné, Pispa, bo Ara.

³⁹ Tse nshum Ulla: Arak, Hanniél, bo Ritsya.

⁴⁰ Njoṅ tshen ben nà b'a tse nshum Aser, mbe tunndà tà tshobe. Bo b'a ben netswite, mbe ba neta nduku, mbe kam bon mfen, ndù bo kite ndèn mube. Bo b'a benntùn ntsha' ntshob ntôg ṅam mbàa, tse bo ku'ni nelo' tshuntshùag nèn ntsho là.