1 Kronika 5 - NTSHOB NSI

Nkùndà Rubèn

¹ Ndèn bon Rubèn tse bandum tuswe Israél: A na' mb'a tuswe i, là mb'a na' nsagte kunndà tàab là, a fà nu tuswe mén bon Yosèf tse bandum mén Israél, bo yen i mba ndùs'a bi nu tuswe mén z'a na' mbe yi Là.

² Mba Yuda na' ntum netèt fèt tse mbe mèn ndùb là ngatô benntùn tum à num i, là tuswe mén tù' ze Yosèf.

³ Ndèn bon Rubèn tse bandum, tuswe Israél b'a ndù: Hanok, Palu, Hesron mba Karmi.

⁴ Ndèn bon Yoél tse bandum b'a ndù: Mén Yoél ze mandum b'a Semaya, mén Semaya ze mandum be Gog, mén Gog ze mandum be Shimei,

⁵ mén Shimei ze mandum be Mika, mén mika ze mandum be Reaya, mén Reaya ze mandum be Baal,

⁶ mén Baal ze mandum be Beéra z'a na' mbe mfen ngô netèt nzwit Rubèn ze Tiglat Piléser, mfen Asiria na' ngom i ngù nkuan yi là.

⁷ Ndèn fèt tse ndaṅndaṅ mba mà tshob bwe yub yi bo kite ntùm ṅwa'ni ndèn tunndà là b'a ndù: Ntshùambwe bo b'a Yéiél, tsemo' batte, Sakaryahu,

⁸ Béla mén Aza ze mandum, mén Sema ze mandum, mén Yoél ze mandum ze ze dù'ntswe na' mb'a mà Aroer, nèn nkum mà Nébo bo Baal-Méon nà.

⁹ Ze dù'ntswe bèn mbe z'a bag ntumnyam, mbèn nèn nkum num kônga z'a nèn nkum ntshu ntse Efrata là, nummbe bwoṅ nyàm tshob na' yàm mà Gilead.

¹⁰ A na' be num ze ngelaṅ Saulo bo ma' ba Hangar ntsho ntshùa yube, nke ntswe ntùm ntàb tshob num njoṅ dù' fa z'a be bag ntumnyam mà Gilead là.

Nu nzwit Gad

¹¹ Bon Gad tse bandum na' nke ntswe mbaṅ bo ntùm ngô Basan nèn nkum mà Silka.

¹² Lén tuswe i na' mb'a Yoél; lén mbatte mén i be Safam, ndèn tsemo' bon tse tse bandum be Yaenai bo Safat, tse bo na' nke ntswe mà Basan nà.

¹³ Fèt tse tse bo be num njoṅ tunndà ba tà tshob fa là b'a: Mikaél, Meshullam, Séba, Yorai, Yaékan, Sia, Eber, bo be benntùn sammbàa.

¹⁴ Tshù bon Abiail tse bandum, mén Huri li, mén Yaroa ze mandum, mén Gilead ze mandum, mén Mika ze mandum, mén Yesisai ze mandum, mén Yaldo ze mandum.

¹⁵ Ahi mén Abidiél, mén Guni ze mandum na' mbèn mbe tà tunndà tshobe.

¹⁶ Bo na' nke ntswe mà Galad mbe mà Basan mba ba ntùm bon ngô nke' ts'a ke nju'ni yi là, mba ba ntùm njoṅ dù' nenà mebwô fa ts'a be mà Saron nà, tà nèn nkum ntùm nzwet'é.

¹⁷ Bo na' nkite njoṅ ndèn mub fa ntùm ṅwa'ni ndèn tunndà fa ngelaṅ ze Yotam na' mbe mfen ba Yuda mba num ngelaṅ ze Yéroboam na' mbe mfen Israél là.

Mba bandum ntùm nzwit Rubèn, nzwit Gad mba nzwit Manasé na' ntsho ba Hagar ntsho là

¹⁸ Benntùn ntùm nzwit Rubèn mba ntùm nzwit Gad, mba mo' kam benntùn Manasé, be num neta benntùn tse bo na' nket tshètntsho mba ṅwi, nke nsoṅ nkét nyi'te nema' ntsho là be benntùn ntsha' ntshob kuà ṅam nkuà, ngù benntùn bon ntôg nkù sammbàa (44 760) tse bo na' nku'ni nenèn ntsho là,

¹⁹ ntshum ba Hagar, ba Yetur, ba Nafis mba ba Nodab ntsho.

²⁰ Nsi ywimte yub num nema' ba Hagar ntsho boa tshob njoṅ ghama' ntsho fa. Nsi ghù tshen benntùn nà vù mum mbu mube, nummbe bo na' bwôgmbwe nkua' yi num yen ntsho là, a ghù nu ze bo na' mbu' mbu yi num bwe là, nummbe bo na' yab ntù yub num i,

²¹ bo ghom bwoṅ nyàm tshobe: Ba kamél ntsha' ṅam ntàn (50 000), mbèn ngom ba benntùn ntsha' nkù (100 000).

²² Benntùn yàm kwù tshwèt ntsho nummbe bu Nsi na' mbe njam yen ntsho là. (Yen ntsho là fe à Nsi). Bo tswe num yub dù' tà ngelaṅ ze bo na' ntù' kuan ntsho nèn ntùm ngô ba tum nà.

Nu kam nzwit Manasé

²³ Dù' tsha' ze nzwit Manasé na' nke ntswe bwe là, na' nto' à mà Basan nèn nkum Baal-Hermon, mba mà Senir, mba mà Hermon.

²⁴ Bo na' yàm neshu. Ndèn benntùn tse bo na' njôg num tunndà tà tshob là na' mb'a: Efer, Yisei, Eliél, Azriél, Yérémia, Hodavia, mba Yahdiél, be kua' bandum tse bo na' nta num ntsho, benntùn yôg num tunndà ba tà tshob là.

²⁵ Là, ba tà tshob na' ghù ju z'a ke' ku'ni là Nsi ba tà tshob ngù màndà boa ba nsi neto benntùn tse Nsi na' mbiagte yub, tse bo ke ntswe ntùm yen ngô là là.

²⁶ Ndùlala Nsi ba Israél kam ntù Pul mfen Asiria bo ntù Rubèn boa ba Gad mba kam nzwit Manasé kuan ntsho ndo' yub nèn yi mà Hela, mba mà ntshu ntse Gozan tà nkum sènni.

Nu tunndà nzwit Lévi

²⁷ Ndèn bon Lévi tse bandum b'a ndù: Guershom, Kohat mba Mérari.

²⁸ Ndèn bon Kohat tse bandum b'a ndù: Amram, Yishar, Hébron mba Uziél.

²⁹ Ndèn bon Amram tse bandum b'a ndù: Aron, Mosé, Miriam. Ndèn bon Aron tse bandum b'a ndù: Nadab, Abiu, Elazar, Itamar;

³⁰ Eléazar bwe Finéas, Finéas bwe Abishua,

³¹ Abishua bwe Buki, Buki bwe Usi,

³² Usi bwe Seraya, Seraya bwe Merayot

³³ Merayot bwe Amaria, Amaria bwe Ahitub,

³⁴ Ahitub bwe Sadok, Sadok bwe Ahimaas,

³⁵ Ahimaas bwe Asaria, Asaria bwe Yohanan,

³⁶ Yohanan bwe Asaria, a b'a yi bèn mbe mén mandum z'a be ngale'te Nsi ntùm ndà Nsi ze Salomon na' nkut mà Yérusalém nà.

³⁷ Asaria bwe Amaria, Amaria bwe Ahitub,

³⁸ Ahitub bwe Sadok, Sadok bwe Salum,

³⁹ Salum bwe Hilkija, Hilkija bwe Asaria,

⁴⁰ Asaria bwe Seraya, Seraya bwe Yosadak;

⁴¹ ngelaṅ ze Tshùaben na' ngù Nébukanetsar lo' ba Yuda boa ba Yérusalém nèn yi ndà kuan nà, mba Yosadak nèn ze boa bo.