1 Kronika 27 - NTSHOB NSI

Netsiagte ghale' ntsho mum nufen

¹ Nesiaṅ bon Israél, fenfen tunndà, fenfen ben ntsha' mbùm, fenfen ben nkù, ghafa' tse bo be ntùm fa' mfen, num neke ndôte nkamnkam benntùn mba bo ghabte yub là; mba zit ṅwù lo mo' kam benntùn lo ke mbe se' mo' nke nène. Mba zit kam i lo, na' nke ngù à benntùn ntsha' ntshob kuà ṅam mbàa.

² Yashobéam nshum Zabdiél na' mbèn mbe tu netèt mbwe kam benntùn num mbwe maṅwù. Benntùn ntsha' ntshob kuà ṅam mbàa lo be ntùm ze kam i.

³ A na' ntum à ntùm nzwit Péréts, mbèn nke nsa' njoṅ tàndà ntsho fa ntùm mbwe maṅwù.

⁴ Dodai na' mbèn mbe tu num mbatte ṅwù bàa; a na' mb'a mèn Akok; Miklot na' mb'a mo' mfen netèt ze kam benntùn. Benntùn ntsha' ntshob kuà ṅam mbàa lo be ntùm ze kam i.

⁵ Benaya na' mbèn mbe tu num mbatte ṅwù tat; a na' mb'a nshum ngafà tshule'te Yéhoyada z'a be mba mfen nà. Benntùn ntsha' ntshob kuà ṅam mbàa lo be ntùm ze kam i.

⁶ Benaya na' mb'a sa'nde' netèt ben ṅam ntat, mbe tu netèt tse ṅam ntat; nshum i Ammizabad na' mb'a mo' mfen netèt fenfen ze kam i.

⁷ Asaél mfèt Yoab na' mbèn mbe tu num mbatte ṅwù kuà; a be tôg nshum i Zébadia lo' ze dù'; benntùn ntsha' ntshob kuà ṅam mbàa lo be ntùm ze kam i.

⁸ Mfen Shamehut, mèn Yizrak na' mbèn mbe tu num mbatte ṅwù tàn; benntùn ntsha' ntshob kuà ṅam mbàa lo be ntùm ze kam i.

⁹ Ira nshum Ikkesh, mèn Tékoa na' mbèn mbe tu num mbatte ṅwù ntôge. Benntùn ntsha' ntshob kuà ṅam mbàa lo be ntùm ze kam i.

¹⁰ Héléts mèn Pelon mo' nshum Efraim na' mbèn mbe tu num mbatte ṅwù sammbàa. Benntùn ntsha' ntshob kuà ṅam mbàa lo be ntùm ze kam i.

¹¹ Sibbekai mèn Hushat ntùm tunndà ben Zérak na' mbèn mbe tu num mbatte ṅwù fome. Benntùn ntsha' ntshob kuà ṅam mbàa lo be ntùm ze kam i.

¹² Abiézer mèn Anatot netèt ben Benjamin na' mbèn mbe tu num mbatte ṅwù bwe'e; benntùn ntsha' ntshob kuà ṅam mbàa lo be ntùm ze kam i.

¹³ Maharai mèn Netofat ntùm tunndà ben Zérak na' mbèn mbe tu num mbatte ṅwù gham. Benntùn ntsha' ntshob kuà ṅam mbàa lo be ntùm ze kam i.

¹⁴ Benaya mèn Piraton mo' nshum Efraim na' mbèn mbe tu num mbatte ṅwù ntshob ntshù' gham. Benntùn ntsha' ntshob kuà ṅam mbàa lo be ntùm ze kam i.

¹⁵ Héldai mèn Netofat ntùm tunndà Otniél na' mbèn mbe tu num mbatte ṅwù ntshob bàa gham. Benntùn ntsha' ntshob kuà ṅam mbàa lo be ntùm ze kam i.

¹⁶ Tshù fenfen tse tunndà Israél li: Mfen ben Rubèn: Eliézer nshum Zikri; mfen ben Siméon: Shefatia nshum Maaka;

¹⁷ mfen ben Lévi: Hashabia nshum Kemuel; Tsadok ntùm tunndà Aron;

¹⁸ Elihu, mo' mfèt David be mfen tunndà Yuda; Omri nshum Mikaél be mfen tunndà Isakar;

¹⁹ Yishmaéya nshum Abdia be mfen tunndà Zabulon; Yérimot nshum Azriél be mfen tunndà Néftali;

²⁰ Hosé nshum Azazia tse nshum Efraim; Yoél nshum Pedaya be mfen kam tunndà Manasé;

²¹ Yiddo nshum Sakaria be mfen kam tunndà Manasé z'a Galad là; Yaasiél nshum Abner be mfen tunndà Benjamin;

²² Azareél nshum Yéroam be mfen tunndà Dan. Tshen ben nà b'a fenfen tse tunndà Israél.

²³ David lo ke siaṅ bon Israél tse bo ghù ngu'njù ṅam mbàa kà ntôgte là, nummbe Tshùaben lo ka' mb'a nsi ghù ba Israél yàm mba nsa mi a mfe kamànyam nà.

²⁴ Yoab nshum Tséruya to' nesiaṅ benntùn ke miagte, nummbe Tshùaben lo ya ntù num Israél num yen nesiaṅ benntùn nà, nummbe bo ke' so i netèt tsemo' ts'a ntùm tse ṅwa'ni Kronika mfen David là.

Netsiagte nufen

²⁵ Bo lo yab Azmavét nshum Adiél num tshunkàb mfen; Yonatan nshum Ozias be ze num ba jujù nelé' mum nà, ba ntusô, ba nda' boa ba mba' nebéb dù' yi;

²⁶ njab Ezri nshum Kihub num ghafa' tse bo ke ndù' tsha' là;

²⁷ njab Shimei ze Rama num ba ntù ntàm ndu'; njab Zabdi ze Shefam num ndu' nelé' mi a ntùm ba ntù ntàm ndu' là;

²⁸ Baal-Hanan ze Guéder be num ba ntshom boa ntù fènngab mi à tômbo' là;

²⁹ Yoash be num mvèt mi bo lé' là; Shitrai ze Saron be num ba nyàmna' tse bo num mfèt nenà Saron nà; Shafat nshum Adlai, be num ba nyàmna' tse bo be ntômbo' là;

³⁰ Obil mèn Ismaél be num ba kamél; Yékdia ze Meronot be num nkenkwène;

³¹ Yaziz mèn Hagar be num ba mbwe. Tshen ben nà fa na' mb'a ghalôte tshu mfen David.

³² Yonatan mèn ntùm tunndà David na' mb'a ngafà ntage, mbe nkum mèn, ndèn bon tshu yàme; Yéhiél nshum Hakmoni na' nke mb'a mbaṅ tse nshum mfen;

³³ Akitofél na' mb'a ze ngafà ntag mfen; Hushai mèn Ark be nshun mfen;

³⁴ Akitofél lo ke tôg ze Yéhoyada nshum Benaya bo Abiatar be ghafà ntage; Yoab na' mb'a tàndà ze ntshu ntsho mfen.