1 Kronika 26 - NTSHOB NSI

Ndaṅ ghabéb nzendà

¹ Tshù nkamnkam ghabéb nzendà li: Netèt ben Koré: Meshélémia, nshum Koré, mèn netèt tse nshum Asaf.

² Tse nshum Meshélémia: Sakaria b'a mbwe i, Yediaél be mbatte bàa, Zébadia be mbatte tat, Yatniél be mbatte kuà,

³ Elam be mbatte tàn, Yohanan be mbatte ntôge, Eljoénai be mbatte sammbàa.

⁴ Tse nshum Obèd-Edom: Shemaéya b'a mbwe i, Yozabad be mbatte bàa, Yoak be mbatte tat; Sakar be mbatte kuà, Netanéel be mbatte tàn,

⁵ Amiél be mbatte ntôge, Isakar be mbatte sammbàa, Péultai be mbatte fome; a b'a nummbe Nsi lo tam ntse Obèd-Edom.

⁶ Shemaéya nshum i bwe tse nshum, bo be fenfen ntùm tunndà tà yub, nummbe bo na' mb'a ba neta nduku;

⁷ tse nshum Shemaéya: Otni, Refaél, Obèd, Elzabad boa fèt tse, ba neta nduku, Elihu bo Semaéya.

⁸ Tshen nà b'a tse nshum Obèd-Edom; bo, tshob nshum boa fèt tshob na' mb'a ben ngù' dun num bo là, neta be bo num fa'. Ntu tshob fa na' mb'a ntshob bàa ṅam ntôge, mbe bon Obèd-Edom.

⁹ Tse nshum Meshélémia boa fèt tse na' mb'a ntshob fom gham. Bo na' mb'a ba neta nduku.

¹⁰ Netèt tse nshum Mérari: Hosa, Hosa lo ghù ze nshum lén se Shimri; tàab lo ghom i fen, mba mb'a na' mbe ke b'a tuswe i là.

¹¹ Hilkija b'a mbatte bàa, Tébalia be mbatte tat, Sakaria be mbatte kuà. Tse nshum Hosa boa fèt tse na' mb'a ntu ntshob ntôg gham.

¹² Bo fà fa' neke ndôte ndà Tshùaben men nkamnkam ghabéb nzendà li boa fenfen tshen ben ni mba fèt tshobe.

¹³ Bo tam tô mba num zit nzendà lo, netèt ben nke'nke' boa dùbdùb, kua' mba tshob tunndà tà be yi là.

¹⁴ Tô ghom Shélémia num nzendà z'a shù ntumnyam nà. Bo tam tô num nshum i Sakaria. A na' mb'a nshum ngafà ntage. Tô ghom i num nzendà z'a shù tu là.

¹⁵ Tô ghom Obéd-Edom num bag z'a shù ntèn nà, mba' nelem tshu bwe nèn tse nshum.

¹⁶ Bag z'a shù mbinyam nà nèn Shuppim bo Hosa mba nzendà Shallékét z'a num manze ko'ko' là; ta' dù' nebéb dù' bwe lo be se mo' ndaṅndaṅ.

¹⁷ Ben Lévi lo be ntumnyam ntôge, mbe tu mba sit lé'njù lo kuà, mbe ntèn mba sit lé'njù lo kuà, ngù tse kuà num mba' nelem bwe, ke b'a num ta' dù' ntshù';

¹⁸ tse kuà num nze manze, bag taṅla' s'a mbinyam nà, tse bàa be nze bag taṅla'.

¹⁹ Tshen nkamnkam ghabéb nzendà li tum à netèt tse nshum Koré boa tse Mérari.

Mfa' bo fà tsemo' bon Lévi là

²⁰ Mo' mèn netèt ben Lévi, lén se Akiya na' mbèn nke ndôte tshunkàb ndà Nsi boa tshunkàb tshu nelàne.

²¹ Netèt tse nshum Ladan, tse nshum Guershon z'a tum num Ladan nà. Fenfen tse tunndà Ladan tà Ladan mèn Guershom na' mb'a Yéhiéli,

²² tse nshum Yéhiéli, Zétam bo Yoél mfèl i; bo na' mbèn nke ndôte tshunkàb ndà Tshùaben.

²³ Netèt tse ben Amram, Yitsehar, Hébron bo Uziél,

²⁴ bo lo' Shebuél nshum Guershom, nshum Mosé. A na' mb'a ngalôte tshunkàb.

²⁵ Netèt fèt tse tse bo tum yub num Eliézer, ze nshum i be Rekabia là, ze nshum i be Esaya là, ze nshum i be Yoram nà, ze nshum i be Zikri là, ze nshum i be Shelomit là;

²⁶ Shélomot boa fèt tse na' mbèn nke ndôte njoṅ tshunkàb tshu nelàn fa tse mfen David na' nabte njab là. David boa fenfen tunndà tà, fenfen ben ntsha' mbùm boa fenfen ben nkù mbàa fenfen ntshu ntsho na' mbèn nabte tshen tshu nelàn nà njabe.

²⁷ Bo ke ndo' tshen tshu l'a num ntsha' bo fe yi tshwèt ntsho là, kà njab neke nabte ndà Tshùaben yi.

²⁸ Mba ke lo ze Samuél ngayente yabe, ze Saulo nshum Kis, Abner nshum Ner, Yoab nshum Tséruya yab là, Shelomit boa fèt tse na' mbèn nke ndôte.

²⁹ Netèt ben Yitsehar, Kenania tum bwe boa fèt tse, mbe num mfa' mi a be njam ntshundà là. Bo na' mb'a ghakite boa ghasa'kam ntùm ngô Israél.

³⁰ Netèt tse ben Hébron, Hashabia tum bwe boa fèt tse, mbe ba neta nduku, ben ntu bon sammbàa ntsha'. Bo na' mbèn nke ndôte ba Israél mo' yoṅ Yordan, bag mbinyam, num tshu ts'a lôte Tshùaben nà bo fa' mfen.

³¹ Mbe se' mba tse ben Hébron, tse Yéria be mfen yub là, bo lôte yub ṅwa'ni nkùndà bo tunndà ntèt ba neta nduku bwe Yazer Galad. Bo fa' sen fa' li à ndùse mfen David ghù ngu'njù ṅam nkuà num fen nà.

³² Yéria boa fèt tse tse bo be ba neta nduku là tum ben bon sammbàa ntsha' bàa, mbe fenfen tunndà. Mfen David yab yub bo nke ndôte ben Rubèn, ben Gad bo kam tunndà Manasé. Bo nke ndôte yub num nu ts'a kwag neghamte Nsi là bo nu ts'a kwag à ngô là.