Bìoball air-loidhne

ꞌHệp‑ꞌlơ 7 - Tai Dam

ꞌTan ꞌMê‑ꞌkhi‑ꞌsê‑đếc pên nháư ꞌtẹ

¹ ꞌTan ꞌMê‑ꞌkhi‑ꞌsê‑đếc ꞌnặn pên pua ꞌmướng ꞌSa‑ꞌlêm, ꞌlẹo ꞌcọ pên mo téng vảy ꞌháu Chảu Pua ꞌPhạ phủ nháư sung#sút. Pú Ắp‑ꞌla‑ꞌham pay ꞌtặp sớc ꞌpẹ lai pua ꞌlẹo đang táo ꞌcứn#ꞌmá, ꞌtan ꞌMê‑ꞌkhi‑ꞌsê‑đếc pay tỏn pú ꞌlẹo cóp ꞌphái#hảư.

² ꞌLẹo pú Ắp‑ꞌla‑ꞌham béng ꞌnưng ꞌphớn síp ꞌchương khong ꞌtếng#cá đảy ꞌmá ꞌnặn hảư#ꞌtan. ꞌChư ꞌtan ꞌMê‑ꞌkhi‑ꞌsê‑đếc ꞌnặn, mai#ꞌva, pua phủ đi ꞌmí#ꞌmen. ꞌLẹo ꞌtan pên pua ꞌmướng ꞌSa‑ꞌlêm, mai#ꞌva, pua ꞌtiêng#an.

³ ꞌChư ải#ꞌếm, ꞌchựa sai ꞌtan ꞌMê‑ꞌkhi‑ꞌsê‑đếc ꞌnặn báu#đảy ꞌchiến#ꞌvạy, ꞌmự ꞌvến ók ꞌvến tai ꞌcọ ꞌsướng#điêu. ꞌTan ꞌdệt mo ꞌmứa nả ꞌlới#ꞌlới, pék ꞌsướng ꞌLụk ꞌchái Chảu Pua#ꞌPhạ.

⁴ Hảư ngắm bớng#đu, ꞌtan ꞌMê‑ꞌkhi‑ꞌsê‑đếc pên nháư ꞌcơ#đaư. Pú Ắp‑ꞌla‑ꞌham pên hảu ꞌhạk ꞌsúm ꞌháu ꞌnhắng đảy béng ꞌchương khong đảy ꞌmá té bón ꞌpẹ sớc ꞌnặn hảư ꞌtan ꞌMê‑ꞌkhi‑ꞌsê‑đếc ꞌnưng ꞌphớn#síp.

⁵ ꞌPứng ꞌlụk lan ꞌtan ꞌLê‑ꞌvi nhẳn pên mo ꞌtoi ꞌluột ꞌláng Chảu Pua ꞌPhạ bók ꞌvạy ꞌnặn ꞌchọ kếp au nẳng dên ꞌpay ꞌnưng ꞌphớn#síp, ꞌcọ pên ꞌpi ꞌnọng ꞌchựa sai điêu ók ꞌmá nẳng pú Ắp‑ꞌla‑ꞌham.

⁶ ꞌTan ꞌMê‑ꞌkhi‑ꞌsê‑đếc báu#ꞌmen chủm ꞌchựa ꞌLê‑ꞌvi, ꞌcọ ꞌnhắng đảy au ꞌnưng ꞌphớn síp nẳng pú Ắp‑ꞌla‑ꞌham, ꞌlẹo đảy cóp ꞌphái hảư pú ꞌmen phủ đảy ꞌquám chao ꞌhẹn nẳng Chảu Pua#ꞌPhạ.

⁷ ꞌMen ꞌtẹ#lo, phủ ꞌnọi đảy ꞌquám cóp ꞌphái nẳng phủ#nháư.

⁸ ꞌPứng mo ꞌhọ ꞌLê‑ꞌvi phủ ꞌkhới kếp ꞌnưng ꞌphớn síp ꞌnặn ꞌhụ#tai, hák ꞌtan ꞌMê‑ꞌkhi‑ꞌsê‑đếc phủ đảy ꞌnưng ꞌphớn síp nẳng pú Ắp‑ꞌla‑ꞌham#ꞌnặn, lỏ#ꞌmí chứng ꞌva ꞌnhắng#dú.

⁹ ꞌLẹo ꞌva ꞌsướng ꞌnị ꞌcọ#đảy, ꞌmưa pú Ắp‑ꞌla‑ꞌham đảy sống ꞌnưng ꞌphớn síp hảư ꞌtan ꞌMê‑ꞌkhi‑ꞌsê‑đếc, ꞌsướng#ꞌva, ꞌLê‑ꞌvi phủ ꞌkhới kếp ꞌnưng ꞌphớn síp ꞌnặn ꞌcọ sống ꞌnưng ꞌphớn síp pék#căn,

¹⁰ ꞌpưa#ꞌva ꞌmưa ꞌchớ ꞌtan ꞌMê‑ꞌkhi‑ꞌsê‑đếc pay tỏn pú#ꞌnặn, ꞌtan ꞌLê‑ꞌvi phủ pên ꞌchựa sai Ắp‑ꞌla‑ꞌham ꞌnặn ꞌnhắng báu ꞌhế ꞌmí#ók.

Chảu ꞌGiê‑ꞌsu ꞌdệt mo luông ꞌmứa nả ꞌlới#ꞌlới

¹¹ ꞌToi ꞌluột ꞌláng Chảu Pua ꞌPhạ bók ꞌvạy#ꞌnặn, ꞌchựa sai ꞌhọ ꞌLê‑ꞌvi chắng đảy ꞌdệt#mo. ꞌVa mốt ꞌhọ ꞌLê‑ꞌvi hák ꞌdệt mo đảy đi mết ꞌlẹo#ꞌtẹ, ꞌcọ ꞌchí báu#thả phủ ứn ꞌsướng phái ꞌtan ꞌMê‑ꞌkhi‑ꞌsê‑đếc ꞌmá piến phái ꞌtan ꞌA‑ꞌlôn [ꞌchựa sai ꞌhọ ꞌLê‑ꞌvi].

¹² ꞌVa piến ꞌhọ phủ ꞌdệt#mo, ꞌluột ꞌláng Chảu Pua ꞌPhạ ꞌcọ ꞌchọ#piến.

¹³ Chảu ꞌGiê‑ꞌsu phủ ꞌvạu ꞌhọt ꞌnặn pên ꞌchựa sai ꞌhọ#ứn, ꞌmen ꞌhọ báu#ꞌkhới ꞌmí phaư pên mo téng vảy ꞌsớ Chảu Pua ꞌPhạ.

¹⁴ ꞌHáu ꞌhụ chẻng#ꞌva, ꞌGiê‑ꞌsu phủ pên Chảu Chom ꞌsúm ꞌháu ꞌmen phái ꞌhọ Du‑đa, pú ꞌMô‑ꞌsê báu#đảy ꞌvạu ꞌhọt ꞌhọ ꞌnị ꞌmưa ꞌchớ pú ꞌvạu ꞌviạk ꞌdệt#mo.

¹⁵ ꞌViạk ꞌvạu ꞌmá ꞌnị ꞌcọ ꞌvén chẻng#máư cuông ꞌchớ hên phủ ứn pék ꞌtan ꞌMê‑ꞌkhi‑ꞌsê‑đếc ꞌnặn ók ꞌmá ꞌdệt#mo,

¹⁶ Chảu ꞌGiê‑ꞌsu đảy ꞌdệt#mo, báu#ꞌmen ꞌtoi ꞌluột hảư ꞌchựa sai đaư đảy#ꞌdệt, ꞌmen ꞌdọn phép ꞌquiến ꞌTan chảu ꞌmí ꞌchua ꞌlới báu#sút báu#ꞌtún,

¹⁷ ꞌsướng ꞌquám Chảu Pua ꞌPhạ ꞌchiến ꞌvạy#ꞌva: ꞌLụk pên mo ꞌlới ꞌlới ꞌToi phái ꞌtan ꞌMê‑ꞌkhi‑ꞌsê‑đếc.

¹⁸ ꞌLuột cáu báu#ꞌmí phép ꞌchoi, báu#ꞌmí#lởi, chắng ꞌchọ ꞌváng#sia,

¹⁹ ꞌpưa#ꞌva ꞌluột ꞌláng ꞌnặn báu#ꞌchoi săng đi#sút#đảy. Hák ꞌluống ꞌtáng máư ꞌsúm ꞌháu cang tó ꞌnặn ꞌvén đi ꞌsứa#cáu, ꞌdọn ꞌluống ꞌtáng ꞌnặn ꞌháu chắng đảy khảu ꞌmá ha Chảu Pua#ꞌPhạ.

²⁰ ꞌLẹo ꞌmí ꞌquám chao mang#máư. ꞌMưa phủ ứn téng khửn pên#mo, báu#ꞌkhới ꞌmí ꞌquám chao#mang.

²¹ Hák#ꞌva Chảu Pua ꞌPhạ téng Chảu ꞌGiê‑ꞌsu pên mo lỏ chao mang tó ꞌTan#ꞌva: ꞌHáu Chảu Pua ꞌPhạ pên Chảu Chom đảy chao mang#ꞌlẹo ꞌChí báu ꞌmí ꞌchớ đaư piến chaư ꞌLụk pên mo ꞌlới ꞌlới.

²² ꞌPưa ꞌquám chao mang#ꞌnặn, Chảu ꞌGiê‑ꞌsu đảy pên phủ ꞌháu mẳn chaư ꞌchưa ꞌquám nhẳn pao đi ꞌsứa#cáu.

²³ ꞌPứng phủ ꞌdệt mo ꞌhọ ꞌLê‑ꞌvi ꞌnặn ꞌcọ ꞌmí#lai, ꞌpưa ꞌchu mo ꞌhụ#tai, báu#đảy ꞌdệt#ꞌlới.

²⁴ Hák#ꞌva Chảu ꞌGiê‑ꞌsu lỏ ꞌmí dú ꞌlới#ꞌlới, ꞌTan chảu ꞌdệt mo pay nả báu#sút báu#ꞌtún.

²⁵ ꞌSướng ꞌnặn phủ đaư phán ꞌTan chảu ꞌmá ha Chảu Pua#ꞌPhạ, ꞌTan ꞌmí ꞌluống ꞌchoi ꞌmứa nả ꞌlới#ꞌlới#đảy, ꞌdọn#ꞌva ꞌTan chảu ꞌmí ꞌlới dú ꞌpưa đé so Chảu Pua ꞌPhạ ꞌchoi#sau.

²⁶ Chảu ꞌGiê‑ꞌsu pên mo luông ꞌnéo ꞌnặn chắng ꞌpó ꞌchoi ꞌsúm ꞌháu#đảy. ꞌTan pên phủ théng ꞌpẹk#saư, báu#ꞌmí ꞌnéo chê#đảy, báu#pék ꞌsướng ꞌpứng ꞌcốn báp#ꞌsội. Chảu Pua ꞌPhạ ꞌnhó ꞌTan chảu khửn bón sung sút cá ꞌmướng#ꞌphạ.

²⁷ ꞌTan chảu báu#pék ꞌsướng ꞌpứng mo luông#ứn, ꞌmự đaư sau ꞌcọ ꞌchọ đảy au ꞌchương vảy ꞌsớ ꞌmá tháy au báp ꞌsội chảu#cón, chắng tháy au dên#ꞌpay. ꞌTan chảu lỏ au ꞌmo chảu vảy ꞌsớ ꞌmá tháy báp ꞌsội ꞌcốn ꞌtếng#cá, ꞌtưa điêu lỏ ꞌpó#mết.

²⁸ ꞌLuột ꞌláng Chảu Pua ꞌPhạ đảy bók ꞌvạy ꞌnặn téng ꞌpứng ꞌcốn ón ꞌsém ꞌmá ꞌdệt mo#luông. Hák ꞌquám ꞌTan chảu chao mang ꞌmí ók ꞌlún lăng ꞌluột ꞌláng Chảu Pua#ꞌPhạ, chắng téng ꞌLụk ꞌchái ꞌTan chảu phủ đi sút ꞌlới#ꞌlới ꞌnặn ꞌdệt mo#luông.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan