Bìoball air-loidhne

ꞌHệp‑ꞌlơ 1 - Tai Dam

¹ Té ꞌmưa ꞌláng pang ꞌchạu, Chảu Pua ꞌPhạ hảư ꞌpứng ꞌlam páo ꞌquám ꞌTan chảu bók lai ꞌtưa lai ꞌluống hảư pảu pú ꞌmưa ꞌláng ꞌsúm#ꞌháu.

² ꞌLẹo pang lả sút#ꞌnị, Chảu Pua ꞌPhạ hảư ꞌLụk ꞌchái ꞌTan chảu ꞌmá bók ꞌsúm#ꞌháu. Chảu Pua ꞌPhạ hảư phủ pên ꞌLụk có sảng ꞌphạ sảng#đin, téng hảư pên chảu ꞌchu sính ꞌchu#ꞌnéo.

³ ꞌLụk ꞌchái ꞌnặn hảư ꞌháu hên ꞌhung ꞌhướng Chảu Pua#ꞌPhạ, ꞌlẹo ꞌcọ pên ꞌsướng điêu ꞌTan#chảu, ꞌmí phép ꞌquiến bók hảư ꞌchu sính ꞌchu ꞌnéo ꞌmí#dú. ꞌMưa sák sang ꞌviạk báp ꞌsội hảư phủ ꞌcốn#ꞌlẹo, ꞌcọ ꞌnăng ꞌhiếng sảng ꞌphượng khoa Chảu Pua ꞌPhạ phủ ꞌmí phép nháư ꞌquiến luông dú cá bón sung#sút.

⁴ ꞌSướng ꞌnặn ꞌLụk ꞌchái ꞌTan chảu ꞌcọ đảy pên nháư ꞌsứa ꞌpứng tiên#ꞌchạư, ꞌsướng ꞌLụk ꞌTan đảy ꞌchư siêng nháư ꞌsứa#sau.

Phép nháư ꞌquiến luông ꞌLụk ꞌchái Chảu Pua ꞌPhạ

⁵ Chảu Pua ꞌPhạ ꞌvạu sú tiên ꞌchạư ꞌcọ báu ꞌkhới ꞌva: Chảu pên ꞌLụk ꞌháu ꞌMự ꞌnị ꞌháu pên ꞌPo ꞌkính khong chảu. ꞌLẹo ꞌvạu máư: ꞌHáu ꞌchí pên ꞌPo ꞌtan ꞌTan ꞌchí pên ꞌLụk ꞌháu.

⁶ ꞌMưa ꞌchớ Chảu Pua ꞌPhạ hảư phủ pên ꞌLụk cốc ꞌlống ꞌmá ꞌmướng#ꞌlum, ꞌcọ ꞌvạu tứm máư: Hảư ꞌpứng tiên ꞌchạư Chảu Pua ꞌPhạ vảy ꞌháu phủ pên ꞌLụk.

⁷ Chảu Pua ꞌPhạ ꞌvạu ꞌhọt ꞌpứng tiên ꞌchạư lỏ#ꞌva: ꞌTan chảu téng hảư ꞌpứng tiên ꞌchạư pên ꞌsướng ꞌlốm piu Tiên ꞌchạư phủ vảy ꞌháu ꞌviạk ꞌTan chảu ꞌcứ ꞌdương peo#ꞌpháy.

⁸ Hák#ꞌva Chảu Pua ꞌPhạ ꞌvạu ꞌhọt ꞌLụk ꞌchái ꞌTan chảu lỏ#ꞌva: Chảu Pua ꞌPhạ ꞌhới, ꞌtến ꞌTan chảu mẳn ꞌdứn dú ꞌmứa nả ꞌlới#ꞌlới ꞌTan téng đa ꞌmướng ꞌTan ꞌtoi ꞌluống đi ꞌmí ꞌmen.

⁹ ꞌTan sôm chaư ꞌnéo đi ꞌmí ꞌmen Nái ꞌchắng ꞌnéo ác ꞌhại ꞌPưa ꞌsướng ꞌnặn ꞌháu Chảu Pua ꞌPhạ Chảu Chom khong#ꞌTan đảy au ꞌnặm ꞌmắn ꞌtá sáư hảư ꞌTan đảy ꞌmuôn ꞌmớng Téng hảư ꞌTan pên nháư ꞌsứa sính ꞌcu.

¹⁰ ꞌLẹo Chảu Pua ꞌPhạ ꞌvạu sú ꞌLụk ꞌchái ꞌTan ꞌcọ ꞌvạu máư#ꞌva: Chảu Pua ꞌPhạ phủ pên Chảu Chom ꞌhới Cốc ꞌkhoẹk ꞌTan có tẳng phén đin ꞌChu lứp ꞌphạ ꞌcọ ꞌmen ꞌTan sảng.

¹¹ ꞌPứng ăn ꞌnặn ꞌchí đắp siêu pay Hák ꞌva ꞌTan ꞌnhắng mẳn dú ꞌlới#ꞌlới ꞌPhạ đin ꞌchí hiển khát pay ꞌsướng sửa cáu.

¹² ꞌTan ꞌchí ꞌhắm ꞌmắn ꞌsướng ꞌhắm sửa binh ꞌPứng ꞌnặn ꞌchí piến ꞌcứ ꞌdương ꞌchương ꞌnung Hák ꞌva ꞌTan chảu ꞌnhắng pên Chảu pék cáu ꞌLới ꞌTan chảu báu ꞌmí ꞌchớ ꞌhuội.

¹³ Chảu Pua ꞌPhạ ꞌvạu sú tiên ꞌchạư ꞌcọ báu ꞌkhới ꞌva: ꞌMá ꞌnăng ꞌhiếng sảng ꞌphượng khoa ꞌháu Chảu Pua ꞌPhạ ꞌTạu ꞌhọt ꞌmự ꞌháu au ꞌpứng phủ khắt ꞌchắng Múp ꞌlống dú cỏng ꞌpựn tin chảu.

¹⁴ ꞌPứng tiên ꞌchạư ꞌnặn phaư ꞌcọ ꞌmen phái ꞌminh khuôn ꞌvạy vảy ꞌháu ꞌviạk Chảu Pua#ꞌPhạ, ꞌchạư ꞌmá ꞌchoi ꞌpứng ꞌcốn phủ ꞌchí đảy ók khói sia báp#ꞌsội.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan