Bìoball air-loidhne

Da‑cô‑bô 3 - Tai Dam

Hiêm ꞌquám pák ꞌvạu

¹ ꞌPi ꞌnọng ꞌhặc ꞌpéng, cuông ꞌpứng ꞌpi ꞌnọng ꞌnhá hảư ꞌmí lai ꞌcốn pên ꞌsáy bók son ꞌquám Chảu Pua#ꞌPhạ, ꞌpưa#ꞌva ꞌpi ꞌnọng ꞌcọ ꞌhụ#ꞌlẹo, ꞌháu pên phủ bók son ꞌquám Chảu Pua ꞌPhạ ꞌnặn ꞌchí ꞌchọ ꞌTan chảu sét ꞌván ꞌcặt ꞌsứa#sáu.

² ꞌHáu ꞌchu ꞌcốn phaư ꞌcọ ꞌdệt phít lai#ꞌnéo. ꞌVa phủ đaư báu#đảy phít ꞌluống pák#ꞌvạu, phủ ꞌnặn ꞌcọ pên ꞌcốn đi#sút, ꞌhụ ꞌcớm ꞌmo chảu đảy#mết.

³ Sủ ꞌsướng ꞌháu au khốp ꞌmạ sáư sốp#ꞌmắn, ꞌháu ꞌcọ ꞌcớm ꞌtếng tô ꞌmắn pay ꞌtoi chaư ꞌháu#đảy.

⁴ Hảư bớng bẳng#ꞌhứa, ta#ꞌva ꞌchí nháư ꞌto#đaư, ꞌmưa ꞌchọ ꞌlốm ꞌpặt#ꞌhéng, ꞌcọ ꞌnhắng pín pay ꞌmá ꞌtoi chaư phủ ꞌtại ꞌhứa ꞌdọn ꞌmạy ꞌtại ꞌhứa đổn ꞌnọi#ꞌnọi.

⁵ ꞌLịn ꞌcọ ꞌsướng#điêu, pên ꞌphớn ꞌnọi#ꞌnưng nẳng ꞌmo ꞌkính phủ#ꞌcốn, hák#ꞌva pák ảng cảo nháư#đảy. Bớng peo ꞌpháy ꞌnọi mảy ꞌlám pay ꞌtua pá ꞌmạy nháư#đảy.

⁶ ꞌLịn ꞌcọ ꞌsướng peo ꞌpháy ꞌmá té heo#ꞌpháy, cuông ꞌlắm ꞌmo phủ#ꞌcốn, ꞌlịn ꞌcọ pên ꞌphớn#ꞌnưng têm ꞌnéo ác#ꞌhại, ꞌdệt uối ꞌhại hảư ꞌtếng#cá ꞌlắm ꞌmo#chảu, mảy ꞌtếng#cá ꞌchua ꞌlới#ꞌcốn.

⁷ ꞌChu ꞌnéo#sắt, ꞌnộc, sắt ꞌlứa#ꞌchán, ꞌtếng#cá sắt ꞌnặm#bể, phủ ꞌcốn ꞌcọ bók son ꞌpứng sắt ꞌnặn ꞌmá sú ꞌquám chảu#đảy.

⁸ Hák#ꞌva báu#ꞌmí phaư ꞌchí ꞌtợp ꞌtứ ꞌlịn#đảy. ꞌLịn ꞌnặn pên ꞌnéo ác ꞌhại ꞌcớm báu#đảy, têm ꞌto ꞌnéo bứa ꞌhại ꞌdệt hảư#tai.

⁹ ꞌHáu sủ ꞌlịn cáo sỏng ꞌnhó Chảu Pua ꞌPhạ phủ pên Chảu#Chom, Chảu#ꞌPo, ꞌlẹo ꞌcọ ꞌnhắng sủ ꞌlịn đá mang ꞌcốn phủ ꞌTan chảu đảy ꞌlặt hảư pên ꞌsướng ꞌTan chảu#máư.

¹⁰ ꞌPi ꞌnọng ꞌhặc#ꞌpéng, ꞌháu báu#ꞌchọ hảư ꞌquám sỏng ꞌnhó ꞌquám đá mang ók nẳng sốp#điêu.

¹¹ ꞌSướng ꞌnặm khún kéng ꞌnặm saư báu#hón ók nẳng bó#điêu.

¹² ꞌPi ꞌnọng ꞌhặc#ꞌpéng, co đứa báu#ók mák bay#đảy, co mák ít báu#ók mák đứa#đảy. ꞌNặm bó ꞌkếm báu#ók ꞌnặm cháng#đảy.

ꞌQuám lắc ꞌmá té ꞌphạ

¹³ Cuông ꞌpứng ꞌpi ꞌnọng ꞌva ꞌmí phủ đaư ꞌhiạk ꞌhụ#lắc, hảư sáu hên chảu kin dú ꞌtoi ꞌluống đi ꞌluống#ꞌmen, sủ ꞌquám ꞌhụ lắc ꞌnặn ꞌdệt đi ꞌpưa ꞌmí chaư ón#van.

¹⁴ ꞌVa ꞌpi ꞌnọng ꞌmí chaư khôm hơng#ken, khéng lưa ꞌsứa#căn, ꞌhiạk chảu pên ꞌcốn ꞌhụ phủ lắc ꞌcọ ꞌnhá cáo ảng ꞌhứ#ꞌva ꞌvạu bẻo ꞌquám#chinh.

¹⁵ ꞌQuám lắc ꞌnéo ꞌnặn báu#đảy ók ꞌmá té ꞌphạ cá#đaư, ók nẳng ꞌmướng ꞌlum ꞌnị#thôi, ꞌlẹo ꞌcọ báu#ꞌmen ꞌtáng Chảu Khuôn#Saư, ꞌmen ꞌtáng phi ꞌhại#ꞌló.

¹⁶ ꞌChớ đaư hơng ken#căn, khéng#căn, ꞌcọ ꞌmí ꞌviạk nhủng nhao kéng ꞌviạk ác ꞌhại ꞌchu#ꞌnéo.

¹⁷ ꞌQuám lắc ꞌmá té ꞌphạ#ꞌnặn, cón mết ꞌmí chaư ꞌpẹk#saư, ꞌlẹo kin dú ꞌcọ ꞌmen#căn, chaư ón#van, ꞌphắng ꞌquám#căn, ꞌmí chaư ín đu phớng ꞌdứa ꞌdệt lai ꞌnéo#đi, báu#ꞌhặc khỏn ꞌchọn#hiếng, báu#nả ꞌsư chaư#ꞌcột.

¹⁸ Phủ đaư ꞌmí chaư ón van ꞌcoi sô ꞌván hảư kin dú ꞌmen#căn, phủ ꞌnặn ꞌcọ ꞌchí ꞌhụ ꞌpá căn kin dú ꞌtoi ꞌluống ꞌtáng#ꞌmen.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan