Bìoball air-loidhne

Cô‑ꞌlô‑ꞌsai 4 - Tai Dam

¹ Phủ pên chảu ꞌhướn hảư ꞌmí chaư ꞌsư kéng ꞌdệt ꞌluống ꞌmen cắp ꞌcốn ꞌhướn#chảu, ꞌpưa ꞌpi ꞌnọng ꞌhụ ꞌlẹo#ꞌva, ꞌpi ꞌnọng ꞌcọ ꞌmí Chảu Chom chảu dú cá ꞌmướng#ꞌphạ.

ꞌViạk đé so Chảu Pua ꞌPhạ

² Hảư ꞌpi ꞌnọng au chaư sáư ꞌviạk đé so Chảu Pua#ꞌPhạ. ꞌChớ đaư ꞌcọ hảư ꞌkhớng chaư dú ꞌviạk đé so#ꞌnặn, ꞌlẹo ꞌcọ cáo ꞌquám đảy ꞌdọn ꞌTan#chảu.

³ Đé so ꞌchoi ꞌsúm khỏi#é, so ꞌTan chảu khay ꞌtáng hảư ꞌsúm khỏi đảy ꞌmí ꞌchớ páo ꞌquám ꞌlặp ꞌlợc ꞌviạk Chảu ꞌKha‑ꞌlịt. Khỏi dú ꞌtú ꞌcọ ꞌpộ ꞌviạk ꞌnặn#lo.

⁴ Hảư ꞌpi ꞌnọng đé so Chảu Pua ꞌPhạ ꞌchoi khỏi páo ꞌquám ꞌnặn hảư chẻng đi ꞌsướng khỏi ꞌchọ#páo.

⁵ Hảư ꞌpi ꞌnọng kin dú ꞌluống lắc lem tó ꞌpứng ꞌcốn báu#ꞌhế ꞌchưa Chảu ꞌGiê‑ꞌsu. ꞌNhám đaư ꞌmí ꞌnéo ꞌchí ꞌdệt đảy đi lỏ#ꞌdệt.

⁶ ꞌChớ đaư ꞌpi ꞌnọng pák ꞌvạu#săng, ꞌcoi pák ón khan van ꞌsướng cưa sáư ꞌchương kin hảư#ꞌchẹp, ꞌpưa hảư ꞌhụ ꞌluống ꞌtáng tóp hảư ꞌmen chaư ꞌchu ꞌcốn.

⁷ ꞌTan Ti‑ꞌkhi‑cô pên ꞌpi ꞌnọng ꞌhặc sương cuông ꞌhôm ꞌngáu Chảu ꞌGiê‑ꞌsu, ꞌnặm saư chaư ꞌsư ꞌkhớng nả ꞌviạk ꞌTan chảu ꞌtoi#căn. ꞌTan ꞌchí ꞌtố ꞌviạk khỏi sú ꞌpi ꞌnọng ꞌphắng mết ꞌchu#ꞌnéo.

⁸ ꞌSướng ꞌnặn khỏi chắng hảư ꞌtan ꞌmá ha ꞌpi#ꞌnọng, ꞌcọ ꞌpưa ꞌmá ꞌvạu hảư ꞌhụ#ꞌva mốt ꞌsúm khỏi kin dú ꞌnéo#đaư, ꞌlẹo ꞌcọ tủm ꞌpúa chaư ꞌpi ꞌnọng hảư mả#ꞌpe.

⁹ Phủ pay ꞌtoi ꞌtan ꞌnặn ꞌmen Ô‑ꞌnê‑ꞌsi‑ꞌmô, pên ꞌpi ꞌnọng ꞌhặc ꞌpéng ꞌchưa chaư#đảy, ꞌmen ꞌtáy ꞌmướng điêu ꞌpi#ꞌnọng. Sau ꞌtếng song ꞌnặn chắng ꞌchí ꞌtố hảư ꞌpi ꞌnọng ꞌhụ ꞌchu nả ꞌviạk pên ók dú#nỉ.

ꞌViạk phák ꞌquám tham kháo

¹⁰ ꞌTan ꞌA‑ꞌlịt‑ta‑ꞌkhô đảy pên ꞌtú ꞌtoi#khỏi, ꞌtan ꞌcọ ꞌmí ꞌquám tham kháo ha ꞌpi#ꞌnọng. ꞌMa‑ꞌla‑cô phủ pên ꞌpi ꞌnọng ꞌtan Ba‑ꞌna‑bắt ꞌcọ ꞌmí ꞌquám tham kháo ha ꞌsướng#điêu. ꞌVa ꞌMa‑ꞌla‑cô ꞌmá ꞌhọt ꞌpi ꞌnọng ꞌcọ ꞌchốm tỏn hảư#đi, ꞌsướng ꞌquám đảy bók#ꞌlẹo.

¹¹ ꞌTan Dô‑ꞌsuôi khék#ꞌva Du‑ꞌsa‑tô ꞌcọ ꞌmí ꞌquám tham kháo ha ꞌpi#ꞌnọng. Cuông mốt ꞌcốn ꞌhuôm ꞌviạk phén ꞌhôm ꞌngáu Chảu Pua ꞌPhạ ꞌtoi#khỏi, ꞌmí ꞌto sam ꞌcốn ꞌnị đảy pên ꞌcốn ꞌDiu. Sau đảy tủm ꞌpúa khỏi ún mốc ún chaư#lai.

¹² ꞌTan Ê‑pa‑ꞌpha ꞌmen ꞌtáy ꞌmướng điêu ꞌpi ꞌnọng ꞌcọ ꞌmí ꞌquám tham kháo ha ꞌpi#ꞌnọng. ꞌTan pên phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt, ꞌchớ đaư ꞌcọ ꞌhọn ꞌhún au chaư sáư đé so Chảu Pua ꞌPhạ ꞌpưa ꞌpi ꞌnọng đảy ꞌmí lắc#mẳn, hảư pên ꞌcốn ꞌhụ đi sút ꞌchu ꞌluống#ꞌtáng, mẳn chaư nẻn ꞌtoi chaư ꞌTan chảu ꞌchị bók ꞌchu#ꞌnéo.

¹³ Khỏi ꞌnị ꞌhụ hên#ꞌva ꞌtan ꞌdệt ꞌviạk khó ꞌmo khó chaư ꞌpưa ꞌpi ꞌnọng dú ꞌmướng Cô‑ꞌlô‑ꞌsai ꞌnặn, ꞌtếng#cá ꞌpi ꞌnọng dú ꞌmướng ꞌLao‑đi‑kia kéng ꞌmướng ꞌHia‑ꞌla‑pô‑ꞌli máư.

¹⁴ ꞌTan ꞌsáy da ꞌLu‑ca ꞌhặc sương kéng ꞌtan Đê‑ꞌma ꞌcọ ꞌmí ꞌquám tham kháo ha ꞌpi#ꞌnọng.

¹⁵ So phák ꞌquám tham kháo ha ꞌpi ꞌnọng dú nẳng ꞌmướng ꞌLao‑đi‑kia, kéng ꞌnáng ꞌNim‑ꞌpha ꞌtếng#cá ꞌsúm ꞌhốm Chảu ꞌGiê‑ꞌsu phủ ꞌmặc ꞌsúm căn nẳng ꞌhướn#ꞌnáng.

¹⁶ ꞌChớ đaư baư sư ꞌnị#ꞌhọt, hảư ꞌpi ꞌnọng đu sú căn#ꞌphắng, ꞌlẹo chắng ꞌcoi sống hảư ꞌsúm ꞌhốm Chảu ꞌGiê‑ꞌsu nẳng ꞌmướng ꞌLao‑đi‑kia đu#máư. ꞌLẹo baư sư khỏi đảy tẻm sống pay ꞌmướng ꞌLao‑đi‑kia ꞌnặn, ꞌchớ đaư ꞌmá ꞌhọt hảư ꞌpi ꞌnọng đu ꞌsướng#điêu.

¹⁷ Bók ꞌtan ꞌA‑ꞌkhi‑pô ꞌnớ, nả ꞌviạk ꞌGiê‑ꞌsu phủ pên Chảu Chom dao hảư ꞌtan#ꞌnặn, chắng ꞌcoi au chaư sáư ꞌdệt hảư#ꞌlẹo.

¹⁸ Khỏi ꞌchư#Pôn, ꞌquám ꞌtặc ꞌcháo lả sút ꞌnị ꞌmen ꞌmứ khỏi tẻm#lo. Khỏi ꞌnhắng pên ꞌtú#dú, so ꞌpi ꞌnọng ꞌnhá ꞌlứm sia#khỏi é#ꞌnớ. So Chảu ꞌGiê‑ꞌsu phớng ꞌdứa công ꞌphún hảư ꞌpi#ꞌnọng.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan